Airtel Rwanda
Kigali

Ibihugu bya Canada na Australia byamaze gutangaza ko bitazitabira imikino Olympic 2020

Yanditswe na: SAFARI Garcon
Taliki:23/03/2020 13:02
0

Komite Olempike z’ibihugu bya Canada na Australia bamaze gufata umwanzuro wo kutazitabira imikino Olympic 2020 iteganyijwe kubera i Tokyo mu Buyapani kubera impungenge zo gutinya kwandura icyorezo cya Coronavirus cyugarije abatuye Isi muri iki gihe.



Ibi bihugu byatangaje ko bitazigera byohereza abakinnyi babyo mu gihugu cy’u Buyapani kwitabiri iri rushanwa mu gihe cyose abashinzwe kuritegura batagize icyo bakora ngo ryimurirwe umwaka utaha wa 2021.

Imikino mpuzamahanga ya Olympic 2020 iteganyijwe gutangira tariki 24 Nyakanga  irangire tariki ya 9 kanama 2020, aho biteganyijwe ko izabera mu mujyi wa Tokyo mu gihugu cy’u Buyapani.

Abayobozi ba Komite Olympic muri ibi bihugu bahisemo kwikura muri iyi mikino mu rwego rwo kurinda abakinnyi babo, abaturage babo ndetse n’Isi muri rusange ikwirakwira ry’icyorezo cya Coronavirus cyugarije Isi muri iki gihe.

Ibi bihugu bifashe uyu mwanzuro nyuma yuko mu minsi mike ishize abayobozi bakuru mu gihugu cy’u Buyapani bagiye ku ma televiziyo yo muri icyo gihugu batangaza ko nta kabuza irushanwa rizagenda uko ryateguwe kandi rizagenda neza.

Canada na Australia bibaye ibihugu bya mbere bigaragaje impungenge z’iri rushanwa bihita binagaragaza uruhande bibigamiyeho, ariko biteganyijwe ko nihatagira ingamba zihamye zifatwa n’ibindi bihugu biza kugera ikirenge mu cy’ibi.

Mu byumweru bine biri imbere haraza kumenyekana umwanzuro ntakuko ku hazaza hiyi mikino mu nama yaguye izahuza abayobozi ba Komite Olympic ku Isi, ikazafatirwamo imyanzuro itandukanye irimo no kuba iyi mikino isubitswe cyangwa izakinwa.

Gusa ariko amahirwe ahari ni uko iyi mikino ishobora gusubikwa kubera ko no mu yindi mikino amarushanwa yari ateganyijwe kuba mu 2020 yimuriwe mu 2021.


Hakomeje kwibazwa kuhazaza h'imikino  Olympic 2020


Ibihugu bitandukanye byatangiye kwikura muri iyi mikino





TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND