Uruganda rwenga ibinyobwa rwa Skol Brewery LTD rufitanye amasezerano y’ubufatanye n’ikipe ya Arsenal yo mu bwongereza rwatangije uburyo bwo gutsindira ibihembo bitandukanye ku mikino imwe n’imwe ikomeye iyi kipe izajya iba yakinnye.
Ni
igikorwa cyatangijwe kuri uyu wa Gatandatu mu mujyi wa Kigali i Remera ahazwi
nko kuri SKY LUX LOUNGE ndetse no kuri ROSTY CLUB RESTO, aho abakunzi b’umupira
w’amaguru byumwihariko abafana ba Arsenal beretswe umukino wahuzaga Arsenal na
Southampton warangiye amakipe anganyije ibitego 2-2.
Buri
wese wageraga aho iki gikorwa cyabereye yari afite amahirwe yo gutombora
ibihembo bitandukanye byavuye i Londre aho Arsenal iba, byari mu buryo bubiri
bwari bwateguwe. Uburyo bwa mbere bwari ubwo kuraguza umutwe ukavuga uko umukino
urangira (Prediction) ubundi ugatsindira ibihembo birimo Scarf ‘Furari z’ikipe ya
Arsenal, Badges, ndetse na porteclé ziriho ikirango cya Arsenal n’ibindi
bitandukanye, ubundi buryo babwita’ Goal scoring’ aho buri mufana wese
ubishatse yageragezaga amahirwe, ni ugutera umupira uteretse muri metero ebyiri
ukawutera wawinjiza ahabugenewe ugahabwa icyo kunywa, buri wese yari agenewe
inshuro eshatu zo kugerageza.
Buri mufana yahabwaga amahirwe yo
kwifotoreza ku mupira wo gukina wavuye i Londre usinyweho n’abakinnyi bose ba
Arsenal.
Abafana ba Arsenal baganiriye na
inyarwanda.com bavuze ko bishimiye igikorwa Skol yatangije ko kigiye kujya
kibafasha kwisanisha n’ikipe bihebeye bambara bakanatunga bimwe mu bikoresho
biriho ikirango cyayo, kandi ko bizajya binabafasha gusabana.
Yves uwiduhaye wungirije
uhagarariye Arsenal muri Skol yavuze intego y’iki gikorwa batangije ndetse
nicyo abafana bazungukiramo.
Yagize ati” Intego y’igikorwa
twatangije ni ukugira ngo dufashe abafana n’abakunzi ba Arsenal kwihuza n’ibikorwa
bya Asenal byumwimerere, ni ukuvuga ngo umufana naba ari kureba umukino wa
Arsenal ajye yiyumva nkaho ari i Londre, kandi anagerageze amahirwe atsindire
ibihembo bitandukanye tuba twabateguriye dore ko kubikora nta kiguzi asabwa
gutanga ari ubuntu”.
Uruganda rwa Skol Brewery LTD
rukaba rufitanye amasezerano y’ubufatanye n’ikipe ya Arsenal yo mu bwongereza.
Umupira wavuye i Londre usinyweho n'abakinnyi bose ba Arsenal
Abafana bahawe urubuga rwo kwifotoreza kuri uyu mupira
Skol ni umufatanyabikorwa wa Arsenal
Abafana beretswe umukino wa Arsenal na Southampton
Bimwe mu bihembo byo gutsindira
Uburyo bwa Goal Scoring
Umupira urawutera wawubonezamo ugahabwa icyo kunywa
Yves Uwiduhaye wungirije uhagarariye Arsenal muri Skol
Abanyamahirwe baraguje umutwe ko amakipe anganya 2-2 bahembwe
Umwanditsi – SAFARI Garcon –
inyarwanda.com
TANGA IGITECYEREZO