Indege y'ubwikorezi y'ingabo za DRC yari irimo abantu umunani yaburiwe irengero mu Burasirazuba bwa Repubulika Iharanira Demokarasi ya Congo nyuma yo guhaguruka mu mujyi wa Goma ijya i Kinshasa ejo ku wa kane.
Perezida FĂ©lix Tshisekedi n'umugore we Denise ejo ku wa kane bageze mu mujyi wa Beni muri Kivu ya ruguru mu ruzinduko rw'akazi.
Iyi ndege yahagurutse ku kibuga cy'indege cya Goma saa 13:32
z'amanywa ejo ku wa kane igomba gukora urugendo rw'amasaha atatu kugera i
Kinshasa.
Ikigo gishinzwe iby'indege cyatangaje ko iyi ndege yabuze ku mirongo
y'ibyuma bigenzura indege (Radar) hashize iminota 59 ihagurutse.
Iki kigo kivuga ko yari irimo abaderevu n'abakozi bayo bane hamwe n'abandi basiviri n'abasirikare bane. Iyi ndege yabuze ivuye i Goma ubu iri gushakishwa nk'uko iki kigo kibivuga.
Umwaka ushize i Kinshasa indege ya Antonov yari itwaye
ibikoresho by'amatora yituye hasi hashize umwanya muto ihagurutse ihitana
abantu 23 bari bayirimo.
Src: BBC
TANGA IGITECYEREZO