AFCON 2019: Imikino yabaye kuri uyu wa Gatandatu nta gitego yasize - AMAFOTO

Mu itsinda rya gatanu (E), ikipe ya Mauritania yabanje kunganya 0-0 na Angola, buri gihugu gitahana inota rimwe (1) bituma Mauritanie igira inota rimwe riyishyira ku mwanya wa nyuma (4) naho Angola yuzuza amanota abiri (2) ayishyira ku mwanya wa gatatu kuko Mali ari iya mbere n’amanota ane (4) imbere ya Tunisia ya kabiri n’amanota abiri mu mikino ibiri bose bamaze gukina.

Mu mikino isoza umunsi wa kabiri mu itsinda rya gatandatu (F), Cameroun yaguye miswi na Ghana banganya 0-0 mbere y’uko Benin nayo igwa miswi na Guinea Bissau muri ubwo buryo bwa 0-0.

Cameroun (Icyatsi) na Ghana (Umweru) ni umukino abantu bari bitezemo ibitego ku mpande zombi birabura 

Ni imikino y’igikombe cya Afurika cy’ibihugu cya 2019 kiri kuba ku nshuro ya 32 kikaba kiri kwakirwa n’igihugu cya Misiri kimwe mu bihugu byifite kuri uyu mugabane dutuye wa Afurika.

Umukino wa Guinea (Umutuku)  na Benin (Umuhondo) wari ingufu 

Ni imikino kandi buri muntu wese yakurikira abifashijwemo na Dekoderi ya Canal+ imugeza ku bibuga bitandukanye binyujijwe kuri shene za Siporo ziri kuri iyi dekoderi iri kugura ibihumbi icumi by’amafaranga y’u Rwanda (10,000 FRW) bityo ukaba watsura umubano na Canal+ Sports 2, Canal+ Sport 3 n’izindi.

Stepahn Sessengnon (17) kapiteni wa Benin imbere ya Mamadou Kande (22) myugariro wa Guinea

Nyuma y’iyi mikino yo mu itsinda rya nyuma (F) irangiriye nta gitego, Cameroun yahise iza ku mwanya wa mbere n’amanota ane (4) imbere ya Benin ya kabiri n’amanota abiri inganya na Ghana nayo ifite amanota abiri mu gihe Guinea Bissau iri ku mwanya wa kane n’inota rimwe.

Jordan Adeoti (8) wa Benin ahutaza umuntu

Imikino irakomeza kuri iki Cyumweru tariki 30 Kamena 2019 guhera saa kumi n’ebyiri (18h00’) ubwo mu itsinda rya kabiri (B) baraba bakina umukino wa nyuma mu itsinda aribwo Madagasacar iracakirana na Nigeria naho u Burundi bukine na Guinea kuri iyo saha.

Saa tatu zuzuye (21h00’) abari kuri Canal + kuri shene zitandukanye za siporo barakurikirana imikino yo mu itsinda rya mbere (A) aho baraba basoza imikino yo muri iri tsinda aho Misiri yakiriye irushanwa icakirana na Uganda Cranes naho Zimbabwe ikine na DR Congo.

Muri iri tsinda rya mbere (A), Misiri iri ku mwanya wa mbere n’amanota atandatu (6) yanabonye itike ya 1/8 cy’irangiza. Uganda ni iya kabiri n’amanota ane (4), Zimbawe ni iya gatatu n’inota rimwe mu gihe DR Congo ari iya nyuma (4) nta nota irasarura uretse ko ifite umwenda w’ibitego bine (4).

Mama Samba Balde (17) wa Guinea Bissau agenzura umupira imbere ya Emmanuel Imorou (Benin)

Dore uko imikino iteye kuri iki Cyumweru:

B-Burundi vs Guinea (18h00’)

B-Madagascar vs Nigeria (18h00’)

A-Misiri vs Uganda (21h00’)

A-DR Congo vs Zimbabwe (21h00’)