Argentine itakaje umukino wayo wa mbere muri Copa America itsindwa na Colombia 2-0

Igikombe cya Copa America cyatangiye taliki ya 15 Kamena, aho kuri iki cyumweru cyakomezaga ikipe y’igihugu cya Argentine iyobowe na Messi itsinzwe umukino wayo wa mbere n’ikipe y’igihugu cya Colombia 2-0 itahabwaga amahirwe. Ni umukino watangiye amakipe yombi asatira ariko ntibyagira icyo bitanga aho igice cya mbere cyarangiye ari ubusa ku busa.

Sergio Aguero n'umuzamu wa Colombia 

Igice cya kabiri cyatangiye Argentine isatira ariko biranga, ku munota wa 71 James Rodrigues yahaye umupira Roger Martinez ahita atsinda igitego cya mbere cya Colombia. Ku munota wa 79 umutoza wa Argentine Lionel Scaloni yakoze impinduka aho yakuyemo Sergio Agüero yinjizamo Matías Suárez.

Matiaz Suarez 

Ku munota wa 81 umutoza wa Colombia Carlos Queiroz yakuyemo Radamel Falcao ashyiramo Duván Zapata waje gutsinda igitego cya kabiri cya Colombia ku munota wa 86. Umukino waje kurangira ikipe y’igihugu ya Colombia itsinze ikipe y’igihugu ya Argenyine 2-0. umukino washyizeho igitutu kapiteni wa FC Barcelona akaba na kapiteni w’ikipe y’igihugu y’Argentine.

Duvan Zapata watsinze igitego cya kabiri

Ni umukino wabonetsemo amakarita y’umuhondo 7, 3 ku ikipe y’igihugu y’Argentine, 4 ku ikipe y’igihugu ya Colombia. Ni umukino kandi wakiniwe hagati cyane aho guherekanya umupira Argentine yasoje ifite 53% naho Colombia 47%. Ikipe y’Argentine yateye amashoti 13 agana mu izamu naho Combia itera amashoti 8 agana mu izamu.

Umukino wabonetsemo amakarita 7 y'umuhondo

Undi mukino uteganyijwe kuri iki cyumweru urahuza ikipe y’igihugu ya Paraguay na Qatar.

Paul Mugabe/ Inyarwanda.com