iTel
Kigali

UEFA Europa League: Tombola yahuje Arsenal na Napoli naho Chelsea izisobanura na Slavia Praha

Yanditswe na: Mihigo Saddam
Taliki:15/03/2019 15:31
0

Tombola igaragaza uko amakipe azahura mu mikino ya ¼ cy’irangiza mu mikino y’irushanwa rya UEFA Europa League 2018-2019, yasize Arsenal izahura na Napoli mu gihe Chelsea iri kumwe na Slavia Praha.



Ni tombola yabaye nyuma y'uko iya UEFA Champions League 2018-2019 yari ihumuje bityo amakipe nka Arsenal, Chelsea, Napoli, Valencia na Villareal zimenya uko urugendo zatangiye rugomba gukomeza. Ni igikorwa cyaberaga mu mujyi wa Nyon mu gihugu cy’u Busuwisi.

Ubwo Arsenal izaba yisobanura na SSC Napoli,Villareal izahura na Valencia CF amakipe yombi akomoka muri Espagne, SL Benfica izahura na Eintratcht Frankfurt mu gihe Slavia Praha izisobanura hagati yayo na Chelsea.

Imikino ya ¼ cy’irangiza izakinwa tariki 11 Mata 2019 mu gihe imikino yo kwishyura izakinwa tariki ya 18 Mata 2019.

Imikino ibanza ya ½ cy’irangiza izakinwa mu tariki ya 2 Gicurasi 2019 mu gihe imikino yo kwishyura izakinwa tarik ya 9 Gicurasi 2019.


Arsenal izacakirana na SSC Napoli mu mikino ya 1/4 

Umukino wa nyuma wa UEFA Europa League 2018-2019 uzakinwa tariki ya 29 Gicurasi 2019, ukinirwe ku kibuga cya sitade ya Olympic Stadium iri mu mujyi wa Baku mu gihugu cya Azerbaijan.

Dore uko amakipe yatomboranye:

-Napoli (Italy) vs Arsenal (England)

-Villarreal  (Spain) vs Valencia CF (Spain)

-SL Benfica (Portugal) vs Eintratcht Frankfurt (Germany)

-Slavia Praha (Czech Republic) vs Chelsea (England)





Umwanditsi

Mihigo Saddam

-

Sura Umwanditsi Nyandikira



Inyarwanda BACKGROUND

Copyright © 2008-2019 Inyarwanda Ltd
RSS