RFL
Kigali

Amatike yo kwinjira mu gitaramo cya Charly na Nina yatangiye gucuruzwa, Imyiteguro igeze he?

Yanditswe na: Emmy Nsengiyumva
Taliki:19/11/2017 14:35
1

Iminsi isigaye kugira ngo Charly na Nina bakore igitaramo cyo kumurika Album yabo ya mbere ‘Imbaraga’ irabarirwa ku ntoki, aba bahanzikazi bageze kure imyiteguro y’igitaramo cyabo cyane ko kuri ubu bamaze gutangaza abahanzi bose bazabafasha ndetse magingo aya amatike akaba yatangiye kugurishwa mu gihe habura iminsi icumi gusa.



Mu kiganiro na Muyoboke Alex uyu akaba umujyanama w’aba bahanzikazi yabwiye Inyarwanda.com ko imyiteguro y’iki gitaramo bayigeze kure, yenda kurangira  cyane ko muri iyi minsi icyo bashyize imbere ari ugutegura ibyo bazereka abantu, hagati aho ariko n’imyiteguro rusange y’igitaramo ngo iri kugana ku musozo nk'uko Muyoboke Alex yabitangarije Inyarwanda.com. aha hakaba ari naho yahereye atangaza ko kuri ubu amatike yatangiye gucuruzwa .

charly na NinaAmatike yatangiye kugurishwa

Kuri ubu amatike ushaka kuyagura ashobora kunyura kuri Jumia Food cyo kimwe ko n'undi wayashaka atuye hafi muri Kigali yayasanga mu isoko rya Nakumatt, aha hose ukaba wahagurira itike ushaka yaba iy’ibihumbi bitanu (5000frw), 10.000frw cyangwa 15.000frw cyane ko amatike ari ku isoko ari aya atatu. Muyoboke Alex yabwiye Inyarwanda.com ko bahisemo kugurisha aya matike mbere kugira ngo birinde ko hazaba akavuyo ku bantu bazayashaka ku munota wa nyuma.

charly na NinaAbahanzi bazagaragara muri iki gitaramo

Igitaramo cya Charly na Nina cyo kumurika Album yabo nshya bise ‘Imbaraga’ kizaba tariki 1 Ukuboza 2017 muri Camp Kigali. Aha bakazaba baherekejwe n’abandi bahanzi  nka; Juliana Kanyomozi, Geosteady, Big Farious, Dj pius, Yvan Buravan, Andy Bumuntu ndetse na Sintex.






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • 2 years ago
    Iki gitaramo kiranshitse,sindi hafi ariko rwose mbonyemo uyu muhungu Bumuntu ndamukunda cyane,n aba bakobwa n aba bandi bose bazafatanya,yoo sha Imana ibane namwe kizabe icy amateka meza mutazibagirwa.mukomereze aho


Inyarwanda Art Studio

Inyarwanda Art studio
Inyarwanda BACKGROUND