Umumararungu na Havugimana abanyarwanda babashije kugera mu mikino ya kimwe cya 2 muri Rwanda Open Ciruit 2017

Umumararungu yageze mu mikino ya ½ atsinze undi Munyarwandakazi Umulisa Joselyne amaseti 2-1 (2-6, 6-2 na 6-3) mu mukino wakinwe ku mugoroba w’uyu wa Kane tariki ya 2 Ugushyingo 2017. Ku rundi ruhande, Havugimana Olivier n’undi munyarwanda rukumbi (mu bagabo) usigaye muri aya amarushanwa kuko yageze ku mukino wa ½ atsinze Niyigena Etienne (Rwanda) amaseti 2-0 (6-4, 6-1).

Mu mikino ya ½ iteganyijwe kuri uyu wa Gatanu tariki ya 3 Ugushyingo 2017, Umumararungu Gisele aracakirana na Aisha Niyonkuru (Burundi). Niyonkuru yageze kuri iki cyiciro atsinze Mutuyimana Chantal (Rwanda) amaseti 2-0 (6-1, 6-2).

Havugimana Olivier agomba guhatana na Duncan Mugabe mu mikino ya ½ cy’irangiza kuko uyu Mugabe uhabwa amahirwe yo gutwara irushanwa yageze aha atsinze Mubarak Harerimana amaseti 2-0 (6-3 na 6-2).

Imikino ya ¼ yarangiye kuri uyu wa Kane:

Imikino ya ¼ mu bagabo babigize umwuga:

- Duncan Mugabe (UG) yatsinze Mubarak Harerimana(RW) amaseti (6-3,6-2)

- Ismael Changawa Mzai (KENY) yatsinze Dieu donne Habiyambere(RW) amaseti 2-0(6-4,6-1)

-OLivier Havugimana yatsinze Etienne Niyigena (RW) amaseti 2-1(6-4,3-6,7-5)

-David Oringa (UG) yatsinze Christian Diamba (RDC) amaseti 2-0(7-5,7-4)(4)  

Imkino ya ¼ mu bagore babigize umwuga:

 -Gisele umumararungu (Rw) yatsinze Umulisa Joselyne (RW) amaseti 2-1(2-6,6-2,6-3)

-Shufaa Changawa (KENY) yatsinze Olive Tuyisenge (RW) amaseti 2-0(6-2,6-0)

-Hosiane Kitambala(BUR) yatsinze Megane ingabire (RW) amaseti 2-0(6-2,6-3)

-Aisha Niyonkuru (BUR) yatsinze M Chantal Mutuyimana (RW) amaseti 2-0(6-1,6-2)

Gahunda y'Imikino ya 1/2

Abagabo babigiz umwuga:

-Duncan Mugabe vs Olivier Havugimana

- David Oringa Ismael(UG) vs Changawa mzai ( KENY)

Abagore babigize umwuga:

-Gisele Umumararungu (RW) vs Aisha Niyonkuru (BUR)

-Shufaaa Changawa(KENY) vs Hosiana Kitambala(BUR)

Umumararungu Gisele (wambaye umupira w'umweru) yageze muri 1/2 atsinze Umulisa Joselyne  (wambaye umupira w'iroza)

Umulisa Joselyne yatsinzwe na Gisele Umumararungu muri 1/4 cy'irangiza

Havugimana Olivier ugomba kwisobanura na Duncan Mugabe umugande uhabwa amahirwe

Duncan Mugabe umugande ufite amahirwe yo kwegukana igikombe 

AMAFOTO: Saddam MIHIGO (Inyarwanda.com)