Ku munsi w'amavuko wa Meddy Saleh, yeretswe n'umugore we ko akimuzirikana nyuma y’igihe batandukanye

Ubundi inkuru zavugaga uku gutandukana kwaba bombi zagarukaga ko batandukanye muri Gashyantare 2016 ariko biza gusandara mu itangazamakuru muri Gicurasi 2016. Nyuma yuko itangazamakuru ribimenye Shaddyboo nawe yakunze kugaragaza ko ariwe wenyine uri kwita ku bana babyaranye nk'uko yabibwiye umunyamakuru wa Inyarwanda ubwo yamubazaga ibyo aguhigiyemo. Yagize ati” Mpugiye mu kwita ku bana banjye…” Ibi byaje byunganira amakuru yari ahari ndetse bikavugwa ko uyu ariwe urera abana nyuma yo gutandukana na Meddy Saleh.

Aya mafoto y'umuryango wa Meddy Saleh mu minsi ishize yacaracaraga ku mbuga nkoranyambaga yateye benshi kwibaza niba aba bombi baba bagiye kongera kubana gusa buri ruhande rwanze kugira icyo rubivugaho

Kuri uyu wa Kabiri tariki 6 Ukuboza 2016 nibwo Meddy Saleh yizihiza isabukuru ye y’amavuko. Nki'zindi nshuti ze zose Shaddyboo nawe yafashe akanya azirikana uyu mugabo udasanzwe ku buzima bwe dore ko bafitanye amateka ndetse banabyaranye abana babiri amwifuriza isabukuru agira ati”Nkwifurije imigisha myinshi, ndakwifuriza guhura n’ubuntu bw’Imana,Ndakwifuriza ko inzozi zawe ndetse n’ibyifuzo byawe byahinduka impamo, ugahorana ibyishimo mubyo ukora byose, Isabukuru nziza” Ayo magambo akaba ari yo twashyize mu Kinyarwanda kuko yayavuze mu rurimi rw’icyongereza.

Aya niyo magambo Shaddyboo yandikiye Meddy Saleh nawe amwereka ko yayabonye aramushimira

Aya magambo Meddy Saleh yayabonye nawe ntiyayarenza ingohe maze ashimira uyu mugore bigeze kubana agira ati”Thank You…”. Meddy Saleh ni we wakoze nyinshi mu ndirimbo z’itsinda Active nka Active Love, Tonight, Nicyo Naremewe; Yantumye na Naramukundaga za King James; Same Room ya Mani Martin,Peke Yangu ya Knowless , Velo ya Teta Diana, Agatege na Owooma za Charly na Nina n’izindi utabasha kurondora.