RFL
Kigali

Menya imwe mu mirwa mikuru y'ibihugu yitiriwe abantu

Yanditswe na: Christian Mukama
Taliki:28/10/2020 7:10
0

Hirya no hino ku isi hari uduce twitiriwe abantu bitiwe n’ibigwi byabo cyangwa n’andi mateka. Imirwa mikuru ya bimwe mu bihugu by’isi na yo yagiye yitirirwa abantu. Dore imwe mu mirwa mikuru 10 yitiriwe amazina y’abantu:



1.   Washington

Washington, D.C ni umurwa mukuru wa Leta Zunze Ubumwe z’Amerika. Uyu murwa witiriwe perezida wa mbere w’iki gihugu, George Washington. Washington iri mu mijyi ya mbere isurwa muri Amerika dore ko ugendererwa n’abageze kuri miriyoni 20 ku mwaka. Ntawakwirengagiza ko uyu mujyi ari icyicaro cy’imiryango mpuzamahanga 177. Imwe muri iyo miryango twavuga Umuryango w’Ababibumbye, Ikigega Mpuzamahanga cy’Ubukungu, Banki y’Isi ndetse n’indi.

 

2.   Monrovia

Monrovia ni umurwa mukuru w’igihugu cya Liberia kibarizwa ku mugabane w’Afurika ndetse ukaba ku nkombe z’inyanja y’ Atlantic. Uyu murwa washinzwe mu gihe cy’ingoma ya perezida James Monroe wayoboye Amerika mu 1817-1825. Uyu mujyi witiriwe Monroe kubera ko abawushinze bari bakubutse mu bucakara muri Amerika. Monroe yabaye perezida wa 5, akaba anafatwa nk’umwe mu bashinze igihugu cya Leta Leta Zunze Ubumwe z’Amerika.

 

3.   Georgetown

Georgetown ni umurwa mukuru w’igihugu cya Guyana cyo muri Amerika y’Epfo. Uyu murwa witiriwe umwami George III w’u Bwongereza. Iki gihugu cyabonye ubwigenge mu mwaka wa 1966.

 

4.   Port Louis

Port Louis ni umurwa mukuru w’igihugu cya Mauritius. Iki gihugu cya Mauritius kigizwe n’ ikirwa kimwe kinini ndetse n’utundi duto duherereye mu nyanja y’abahinde. Umurwa mukuru w’iki gihugu witiriwe umwami w’u Bufaransa Louis wa XV.

 

5.   Rome

Rome ni umurwa mukuru w’igihugu cy’u Butariyani. Dukurikije igitekerezo cy’ inkuru y’ishingwa rya Rome “La Fondation de Rome”, ivuga ko impanga za Romulus na Remus ari bo bashinze umujyi wa Roma. Iri zina Roma, ryaturutse kuri umwe mu mpanga ari we Romulus. 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND