Kuri uyu munsi wa none uko tubaho bitandukanye n'uko basogokuru babagaho. Telefone ni imwe mu nkingi zituma isi iba umudugudu. Gusa ibi byose bigerwaho ari uko hari ababiri inyuma binyuze mu gukora telefone nziza, mudasobwa ndetse n’itumanaho rindi muri rusanjye. Muri iyi nkuru tugiye kugaruka ku bigo 8 bya mbere ku isi bikora telefone.
Ikiremwa muntu muri iki kinyejana cya 21 gifata telefone nk'igikoresho cy'ibanze ndetse bamwe iyo bazibuze ubuzima busa n'ubuhagarara. Nk'uko ikinyamakuru statista.com kibivuga nibura abantu basaga 67% muri miliyari 7.7 mu batuye isi bose batunze telefone ngndandwa.
Binyuze mu kwishimishiriza ku ma telefone hari abari kuyoramo akayabo katagira uko kangana ndetse hari n’abandi barara amajoro kugira ngo telefone tuzibone. Bamwe binarenze intekerezo zacu kuko hari abasiga imiryango yabo ndetse bakaba nki'bihara magara barajwe ishinga no gukora ubushakashatsi ndetse rimwe na rimwe bagahembwa intica ntikize.
Ese kuki hari telefone cyangwa ibigo bizikora bikundwa kurusha ibindi? Umunyarwanda yagize ati”Akeza karigura” Izi telefone gukundwa kwazo hagenderwa ku bintu byinshi, gusa muri byo harimo kuba zifite ubushobozi buhambaye burimo nko gukora ibintu byinshi ndetse mu gihe gito, gufotora neza hakiyongeraho gusa neza inyuma, n’igiciro kinogeye buri wese.
Ibi ni bimwe mu bintu bituma hari telefone zikundwa ndetse abazigura bakazigurira kuzimara cyangwa nk'abagura amasuka. Ibigo 8 bya mbere byose byihariye abagera kuri 81.1% naho ibindi bigo byose bisigaye bikagabana 19.9% muri telefone zaguzwe ku Isi.
Urutonde rw’ibigo 8 byagurishije kurusha ibindi muri uyu mwaka wa 2019
8. LG
Impuzandego ya telefone zaguzwe: 2.8%
Igihugu ibarizwamo: Seoul, South Korea
Igihe yashingiwe: 1947
7. Lenovo
Impuzandego ya telefone zaguzwe: 6%
Igihugu ibarizwamo: Beijing, China
Igihe yashingiwe: 1984
6. VIVO
Impuzandego ya telefone zaguzwe: 7.5%
Igihugu ibarizwamo: Guangdong, China
Igihe yashingiwe: 2009
5. Oppo
Impuzandego ya telefone zaguzwe: 8.1%
Igihugu ibarizwamo: Guangdong, China
Igihe yashingiwe: 2001
4. Xiaomi
Impuzandego ya telefone zaguzwe: 9%
Igihugu ibarizwamo: Zhejiang, China
Igihe yashingiwe: 2010
3. Apple
Impuzandego ya telefone zaguzwe: 10.6%
Igihugu ibarizwamo: California, U.S.
Igihe yashingiwe: 1976
2. Huawei
Impuzandego ya telefone zaguzwe: 15.8%
Igihugu ibarizwamo: Shenzhen, China
Igihe yashingiwe: 1987
1.Samsung
Impuzandego ya telefone zaguzwe ku rwego rw’Isi: 21.3%
Igihugu ibarizwamo: Seoul, South Korea
Igihe yashingiwe: 1938
Samsung iyoboye urutonde rw’ibigo 8 bikora telefone ku isi muri 2019
Src: mbaskool.com, marketrealist.com, counterpointresearch.com
VIDEO: Eric Niyonkuru-InyaRwanda.com
Eng
RSS 
TANGA IGITECYEREZO