Kuri uyu wa Kabiri hateganyijwe umukino wa Super Cup w'igikombe kiruta ibindi mu Rwanda, uzahuza ikipe ya Rayon Sports na AS Kigali.
Ni umukino w'igikombe kiruta ibindi mu Rwanda Super Cup, utegurwa na FERWAFA, ugahuza ikipe yatwaye igikombe cya shampiyona n'iyatwaye igikombe cy'amahoro uzaba tariki 1 Ukwakira 2019 kuri Sitade Amahoro.
Super Cup 2019 izakirwa na Rayon Sports ari nayo yabaye iya mbere muri shampiyona y'u Rwanda mu mwaka w'imikino wa 2018-2019, ikaba izahura n'ikipe ya AS Kigali yatwaye igikombe cy’Amahoro 2019 itsinze Kiyovu Sport ibitego 2-1 ku mukino wa nyuma.
Rayon sports ubwo yashyikirizwaga igikombe cya Shapiyona
AS Kigali ubwo yashyikirizwaga igikombe cy'Amahoro
Nkuko tubikesha FERWAFA uyu mukino uzatangira ku gicamunsi cy'uyu wa kabiri saa cyenda z'umugoba (15h00) , amakipe yombi akaba yaratangiye umwiherero kuri icy'umweru.
Uyu mukino ugiye kuba amakipe yombi anitegura gutangira shampiyona izatangira tariki 4 Ukwakira 2019, aho Rayon Sports izasura Gasogi United naho AS Kigali ikazakira APR FC kuri Sitade ya Kigali i Nyamirambo.
Abakinnyi ba AS Kigali bishimira igikombe cy' Amahoro
TANGA IGITECYEREZO