Inyarwanda art Studio
Kigali

BOX OFFICE: Angel has Fallen ni yo filime yacurujwe cyane kurusha izindi muri iyi weekend

Yanditswe na: UDAHOGORA Vanessa Peace
Taliki:26/08/2019 17:55
0

Ni filime yo mu bwoko bwa Action, niyo iyoboye izindi mu zacurujwe cyane muri iyi weekend turangije. Iyi filime muri Amerika gusa yinjije $21,250,000.



1. Angel has Fallen

Iyi filime yasohotse kuri uyu wa gatanu tariki 23/08/2019, icuruzwa na Lionsgate, ikaba iri gucuruzwa muri Amerika gusa kugeza ubu. Iyi filime irimo abakinnyi nka Morgan Freeman, Jada Pinkett Smith, Lance Reddick n’abandi. Kuyikora byatwaye miliyoni 40 z’amadolari.

2. Good Boys

Ni filime yari ku mwanya wa mbere muri weekend yashize, muri iyi weekend yinjije $11,750,000, ikaba icuruzwa na Universal. Iri mu bwoko bwa comedy, yasohotse tariki 16/08/2019, kuyikora byatwaye miliyoni 20 z’amadolari, kuva yasohoka kugeza ubu yinjije$48,957,505.

3.Overcomer

Icuruzwa na Sony/AFFIRM Films, yasohotse nayo kuri uyu wa gatanu tariki 23/08/2019. Yinjije$8,200,000 muri iyi weekend, ikaba iri mu bwoko bwa Drama. Aya mafaranga niyo yonyine yinjije, dore ko kugeza ubu iri gucuruzwa muri Amerika gusa.

4. The Lion King (2019)

Iyi filime yasohotse ku itariki 19/07/2019, icuruzwa na Buena Vista. Muri iyi weekend yinjije$8,150,000 muri Amerika gusa, ku isi hose yinjije$1,508,535,735. Iyi filime iri mu bwoko bwa Action/Adventure, amafaranga yakoreshejwe mu gutunganya iyi filime ntiyigeze atangazwa.

5. Fast & Furious Presents: Hobbs & Shaw

Ni filime icuruzwa na Universal ,irimo abakinnyi bakomeye nka Dwayne Johnson, Jason Statham, Idris Elba n’abandi. Muri iyi weekend yinjije$60,800,000 muri Amerika gusa, ku isi hose yinjije$180,800,000. Kuyikora byatwaye miliyoni 200 z’amadolari, iri mu bwoko bwa Action.

6. Ready or Not

Iyi filime icuruzwa na Fox Searchlight , iteye ubwoba, ikaba yarasohotse kuwa 3 tariki 21/08/2019. Kugeza ubu icuruzwa muri Amerika gusa, muri iyi weekend yinjije$7,550,000, uteranyije ayo yacuruje mbere ya weekend ubwo imaze gucuruza$10,578,148, ayo byatwaye ngo ikorwe ntabwo azwi.

7. The Angry Birds Movie 2

Icuruzwa na Sony/Columbia, ni filime iri mu bwoko bwa animation, ikaba muri iyi weekend yarinjije$6,365,000. Yasohotse tariki 13/08/2019, kuva yasohoka kugea ubu imaze kwinjiza$74,691,263, kuyikora byatwaye miliyoni 64 z’amadolari. Ubushize yari ku mwanya wa 4.

8. Scary Stories to Tell in the Dark

Iyi filime yasohotse ku itariki 09/08/2019, icuruzwa na Lionsgate. Muri iyi weekend yinjije$6,000,000, kuva yasohoka kugeza ubu imaze kwinjiza$72,033,785. Kuyikora byatwaye miliyoni 25 z’amadolari, ubushize yari ku mwanya wa 5.

9. Dora and the Lost City of Gold

Iri mu bwoko bwa Family, ikaba muri iyi weekend yarinjije $5,200,000. Icuruzwa na Paramount, yasohotse ku itariki 09/08/2019. Kuva yasohoka kugeza ubu imaze kwinjiza$60,499,953, ni mu gihe kuyikora byatwaye miliyoni 49 z’amadolari. Ubushize yari ku mwanya wa 6.

10. Once Upon a Time in Hollywood

Ni filime iri mu bwoko bwa Comedy/Drama ikaba icuruzwa na Sony/Columbia, yasohotse tariki 26/07/2019, icuruzwa muri Amerika gusa kugeza ubu. Ihuriwemo n’abakinnyi bakomeye nka Leonardo DiCaprio, Brad Pitt, Margot Robbie, Dakora Fanning, Luke Perry n’abandi. 

Muri iyi weekend yinjije $5,000,000, kuva yasohoka kugeza ubu imaze kwinjiza$239,787,467ni mu gihe ayo byatwaye ngo itunganywe ari miliyoni 90 z’amadolari. Ubushize yari ku mwanya wa 8.








Bahaus

Inyarwanda BACKGROUND