Inyarwanda art Studio
Kigali

Ebola muri Congo Kinshasa iri gufata indi ntera ku buryo bukabije-LONI

Yanditswe na: Yvonne Murekatete
Taliki:3/04/2019 7:41
0

Ishami rya Loni ryita ku buzima OMS ryagaragaje ko icyorezo cya Ebola muri Congo Kinshasa kiri gufata indi ntera ku buryo bukabije.



Umuvugizi wa OMS yagaragaje ko iki cyorezo kimeze nabi cyane muri Congo, kuko imibare y’abandura igenda izamuka buri cyumweru.

Ibiro ntaramakuru by’abongereza Reuters byanditse ko impungenge OMS ifite ari uko muri iki gihe abantu benshi bahitanwa na Ebola bagwa kure y’ikigo gikurikirana abarwayi b’iyi ndwara.

Ibi ngo birateza igitutu ko abantu bagwa aho batakurikiranwe bashobora kuba banduza abandi bantu hakaba kakekwa ubwandu bushya.

Christian Lindmeier umuvugizi wa OMS avuga ko abantu 72 ari bo banduye iyo ndwara mu cyumweru gishize, ni mu gihe mu cyumweru gishize abantu 57 aribo baherukaga kwandura ebola mu cyumweru cyabanje.

Mu mvugo yuzuye agahinda Lindmeier yabwiye Reuters ati: "Abantu bari kwandura ebola mu gihe badafite uburyo bwo kugera aho bashobora gufashwa".

Ni ku nshuro ya 10 mu mateka ya Kongo ebola yibasiye Congo Kishasa. Kuri ubu imaze guhitana abantu barenga 600 abandi barenga 1000 bamaze kuyandura kuva yakubura mu kwezi kwa 8 mu mwaka ushize wa 2018 .

Src: Reuters








Bahaus

Inyarwanda BACKGROUND