Mukura Victory Sport ni yo kipe ibitse igikombe cy’Amahoro 2018 yatwaye itsinze Rayon Sports kurin penaliti 3-1 ku mukino wa nyuma. Rugirayabo Hassan ni umwe mu bakinnyi bafashije iyi kipe kwegukana iki gikombe.
Rugirayabo Hassan myugariro w’inyuma iburyo n’ibumoso muri Mukura Victory Sport avuga ko mu buzima bwe yatangiriye umupira mu ikipe ya Esperence FC mbere yo kugana muri FC Marines. Yazamukiye muri Esperence FC ya Kimisagara akinamo imyaka itanu kuko yazamuwe mu bakinnyi bayo bakuru mu 2013.
Rugirayabo Hassan ubwo yishimiraga igikombe cy'Amahoro 2018
Nyuma gato, Esperence FC yaje kongera kumanuka mu cyiciro cya kabiri ahita agana muri FC Marines mu 2015 avamo mu mpera za 2016 agana muri Mukura VS amazemo umwaka umwe w’imikino (2017-2018).
Muri iki kiganiro, Rugirayabo Hassan avuga ko kuri ubu afite umukunzi uvuka mu Karere ka Rusizi ariko bakaba baramenyaniye Kimisigara ubwo uyu mukobwa yari yaje gusura abo mu muryango we.
Rugirayabo Hassan avuga ko kandi yageze muri Marines FC atangira guhembwa ibihumbi 70 by’amafaranga y’u Rwanda (70.000 FRW) nyuma yuko yari yakoze igeragezwa akaritsinda.
Rugirayabo ubwo yari agiye gutera penaliti batsinda Rayon Sports ku mukino wa nyuma w'igikombe cy'Amahoro 2018
Rugirayabo Hassan ubwo yari amaze kwinjiza Penaliti ku gikombe cy'Amahoro 2018
Rugirayabo avuga ko ashimira Haringingo Francis wamuhaye icyizere mu mwaka wa nyuma w'amasezerano ye
Rugirayabo w’imyaka 23 yahishuye ko inshuti ye magara ari Danny Usengimana batarakinana mu ikipe imwe ariko ngo bakaba bariganye bakinana mu mikino y’amashuli. Uyu musore avuga ko aba ashaka kwigana ibyo Danny Alves akina. Danny Alves ni umunya-Brezil ukinira ikipe ya Paris Saint Germain.
Manzi Thierry na Mugenzi Bienvenue ni bo bakinnyi yakinanye nabo akumva abizeye gusa ngo kuri ubu abo bakinana ni Rachid Mutebi na Nshimiyimana David aba yizeye ko iyo bahari baba bagomba gufasha ikipe. Rugirayabo kandi avuga ko atazi amazina ya perezida wa FERWAFA uriho gusa ngo akaba akunda umuziki ku buryo akunda cyane Christopher na Riderman mu Rwanda mu gihe ku rwego mpuzamahanga yemera cyane Chris Brown.
Rugirayabo Hassan afashe Yannick Mukunzi ku mukino wa nyuma w'igikombe cy'Amahoro 2018
Rugirayabo Hassan arambika Manishimwe Djabel ku mukino wa nyuma w'igikombe cy'Amahoro 2018
Mutebi Rachid rutahizamu wa Mukura VS ni umwe mu bo Rugirayabo yizera mu kibuga
Rugirayabo Hassan (5) ubwo Mukura VS yasuraga Bugesera FC i Nyamata
Gusa icyo gihe i Nyamata yahakuye ikarita itukura
Rugirayabo Hassan (5) ni umukinnyi ubanza mu kibuga
Rugirayabo Hassan n'umudali w'igikombe cy'Amahoro 2018
Byari ibyishimo by'amateka ku bakinnyi ba Mukura Victory Sport
PHOTOS: Saddam MIHIGO (Inyarwanda.com)
VIDEO EDITOR: Eric Niyonkuru (Inyarwanda.com)
TANGA IGITECYEREZO