Impaka z’umukinnyi urusha undi hagati ya Cristiano na Messi ntizijya zirangira. Sir Alex Ferguson wahoze atoza ikipe ya Manchester United ndetse ayifasha kwegukana ibikombe binyuranye harimo 13 bya Shampiyona yatangaje umukinnyi abona urusha undi muri aba 2 ndetse atanga n’impamvu.
Cristiano Ronaldo ukinira Real Madrid ndetse na Messi ukinira FC Barcelona zose zo mur Espagne bakomeje kugaragaza ubuhanga mu kibuga ari nako bakomeza guhangana haba mu kwegukana ibihembo binyuranye ndetse no guca uduhigo dutandukanye. Kuva muri 2008 aba bakinnyi nibo begukanye igihembo cy’umupira wa zahabu(Ballon d’or) gihabwa umukinnyi witwaye neza kurusha abandi ku isi.
Cristiano Ronaldo(ufite umupira)ahanganye na Messi
Bahora bahanganye yaba mu kibuga ndetse no mu duhigo
Umutoza Sir Alex Ferguson wahoze atoza ikipe ya Manchester United
Kugeza ubu Lionel Messi afite Ballon d’Or 4 naho Cristiano akagira 3 harimo niyo aheruka kwegukana umwaka ushize. Ku munsi w’ejo ubwo yaganiraga na BBC, Ferguson wahoze atoza ikipe ya Manchester United , Cristiano Ronaldo yahoze akinira mber eyo kwerekeza muri Real Madrid muri 2009 aguzwe miliyoni 80 z’ama Euro, yatangaje ko Cristiano Ronaldo ari we abona arusha Messi. Ati”Ronaldo yageze ku bintu byinshi kuko yaje ari kana gato gafite imyaka 17 gusa. Abantu bakundaga kumusuzugura ariko yagera mu kibuga agakora ibintu byiza cyane.”
Sir Alex Ferguson yunzemo ati” Abantu benshi bakunda kubagereranya ndetse abenshi bakemeza ko Messi ariwe muhanga ariko ntiwahakana ibyo bavuga. Ariko Ronaldo ashobora gukinira Millwall, Queens Park Rangers cyangwa Doncaster (amakipe y’insina ngufi mu bwongereza harimo nayo mu cyiciro cya 2) agatsinda ibitego 3(hat-trick). Nkeka ko Messi ibyo atabishobora. Ronaldo akinisha amaguru yombi,arihuta cyane , kandi agira umuhati, nkeka ko Messi ari umukinnyi wa Barcelona gusa.”
Renzaho Christophe
TANGA IGITECYEREZO