Gormahia FC ikipe ibitse ibikombe 17 bya shampiyona muri Kenya kuri ubu irimo amakuru avuga ko bifuza cyane Roberto Goncalves de Carmo “Robertinho” umutoza mukuru wa Rayon Sports wabasiburira Dylan Kerr utameranye neza n’abayobora iyi kipe iheruka mu Bwongereza gukina na Everton.
Tariki ya 6 Ugushyingo 2018 ni bwo Gormahia FC yanyagiwe na Everton ibitego 4-0 mu mukino wa gishuti wabereye mu Bwongereza bitewe n'uko aya makipe yombi ahurira kuri SportPesa umuterankunga mukuru ubafasha mu buzima bwabo bwa buri munsi.
Nyuma ni bwo hatangiye guhwihwiswa amakuru avuga ko Dylan Kerr umwongereza utoza Gormahia FC ashobora kutongera gusubira muri Kenya kuko kugeza magingo aya uyu mugabo w’imyaka 51 ataragaruka i Nairobi.
Amakuru ari mu gihugu cya Kenya aravuga ko Dylan Kerr kuba yagaruka muri Gormahia FC batabiha amahirwe menshi kuko abayobozi b’iyi kipe batangiye guhamagara Robertinho ku murongo wa telefoni bagira ngo bumve niba yabatoreza iyi kipe yambara icyatsi n’umweru.
Dylan Kerr yageze muri Gormahia FC mu mwaka w’imikino 2017-2018 avuye muri Simba SC yo muri Tanzania ikinamo Kagere Meddie umunyarwanda unakinira Amavubi dore ko yanakiniye Gormahia FC akanatozwa na Dylan Kerr.
Robertinho (Ibumoso) na Dylan Kerr (Iburyo) ubwo bari bagiye guhurira mu mukino i Kasarani
Robertinho wageze muri Rayon Sports mu mpera za Kamena 2018 yageranye nayo muri ¼ cy’imikino ya Total CAF Confederations Cup mbere y'uko shampiyona 2018-2019 itangira kuri ubu bakaba bahagaze ku mwanya wa gatatu (3) n’amanota 12 mu mikino itanu (5) ya shampiyona imaze gukinwa.
Robertinho asuhuzanya na Dylan Kerr i Nairobi
Moustapha Francis (23) acika Rwatubyaye Abdul (26) ubwo Rayon Sports yatsindaga Gormahia FC ibitego 2-1 tariki ya 19 Ugushyingo 2018 i Nairobi muri Total CAF Confederation Cup 2018
PHOTOS: Saddam MIHIGO (Inyarwanda.com)
Eng
RSS 
TANGA IGITECYEREZO