Mu kiganiro ngaruka kwezi komite nyobozi y’ishyirahamwe ry’umupira w’amaguru mu Rwanda (FERWAFA) igirana n’abanyamakuru, ni bwo Rtd.Brig.Gen. Sekamana Jean Damascene uyobora iri shyirahamwe yemeje ko Jonathan McKinstry wigeze gutoza Amavubi yabareze muri FIFA akabatsinda.
Muri iki kiganiro, Rtd.Brig.Gen. Sekamana Jean Damascene yavuze ko Jonathan Bryan McKinstry watoje Amavubi yaje kujya muri FIFA arega FERWAFA ko yamwirukanye ku kazi mu buryo budakurikije amategeko.
Nyuma ni bwo iyi mpuzamashyirahamwe y’umupira w’amaguru ku isi (FIFA) yaje kwanzura ko FERWAFA igomba guhanishwa kuzatanga ibihumbi 150 by’amadolari ya Amerika (150.000 US$) ahwanye na miliyoni 129 z’amafaranga y’u Rwanda (129.000.000 FRW) bigendanye n’amakosa bakoze. Mu kubisobanura, Rtd.Brig.Gen. Sekamana yagize ati:
Ibibazo biba ari byinshi. Nk’uhu uwitwa McKinstry watoje Amavubi yareze ko yirukanywe ku mirimo bitanyuze mu mategeko, ubu FIFA irasaba ibihumbi 150 by’amadolari. Azava he?. Ni gutyo bimeze ubwo tuzajurira ubwo nidutsindwa azatangwa.
Rtd.Brig.Gen.Sekamana Jean Damascene uyobora FERWAFA
Jonathan Bryan McKinstry yahawe akazi ko gutoza Amavubi muri Werurwe 2015 aza kwirukanwa kuwa 18 Kanama 2016 nyuma gato amaze kongera amasezerano y’imyaka ibiri (2) yari yahawe nk’icyizere cy’iterambere ku kazi yari amaze gukora ageza Amavubi mu mikino ya ¼ cy’igikombe cya CHAN 2016 cyabereye mu Rwanda.
Jonathan Bryan McKinstry watoje Amavubi yareze FERWAFA muri FIFA
Eng
RSS 
TANGA IGITECYEREZO