Umugabo ukomoka muri Madagascar witwa Ahmad Ahmad ni we watorewe kuyobora impuzamashyirahamwe y’umupira w’amaguru muri Afurika (CAF) akaba yatsinze Issa Hayatou wari umaze imyaka ikabakaba 30 ariwe Perezida w’Impuzamashyirahamwe y’umupira w’amaguru muri Afurika (CAF).
Issa Hayatou wari wongeye kwiyamamaza nanone, akaba yatsinzwe amatora ku bwiganze bugaragara kuko mu banyamuryango 54 ba CAF bitabiriye amatora yatowe gusa na 20 naho 34 bitorera Ahmad Ahmad. Aya matora akaba yabereye mu gihugu cya Ethiopia kuri uyu wa Kane tariki 16 Werurwe 2017.
Ahmad Ahmad abamushyigikiye bamuteruye mu rwego rwo kwishimira intsinzi
Issa Hayatou yatsinzwe amatora bisa n'ibimutunguye kuko yari arambye kuri uyu mwanya
Ibyishimo byari byose
TANGA IGITECYEREZO