Ikipe y’igihugu ya Nigeria yabaye igihugu cya kabiri cyabonye amanota atatu imbumbe mu gikombe cy’isi cya 2018 batsinda Iceland ibitego 2-0 byose byatsinzwe na Ahmed Musa usanzwe akinira Leicester City mu Bwongereza. Nigeria yatahanye amanota atatu nyuma ya Senegal iheruka gutsinda Pologne.
Ahmed Musa yafunguye amazamu ku munota wa 49’ w’umukino mu gihe ikindi gitego yacyongeyemo ku munota wa 75’ w’umukino w’itsinda rya kane (D). Nyuma y’aya amanota, Nigeria ni iya kabiri mu itsinda rya kane (D) n’amanota atatu (3) inyuma ya Croatia iyoboye ku mwanya wa mbere n’amanota atandatu (6) kuko yatsinze Argentina na Nigeria mu mikino ibiri iheruka.
Ahmed Musa umunya-Nigeria ukinira Leicester City mu Bwongereza
Iceland iri ku mwanya wa kabiri n’inota rimwe yakuye mu mukino yanganyijemo na Argentina igitego 1-1 bityo Argentina nayo ikaba iri ku mwanya wa nyuma (4) n’inota rimwe. Undi mukino w’iri tsinda uzakinwa kuwa Kabiri tariki 26 Kamena 2018 ubwo Croatia izaba ikina na Iceland naho Argentina igakina na Nigeria.
Ahmed Musa yatumye Afurika yongera kugira icyizere kuri Nigeria
Igitego cya Ahmed Musa
Abakinnyi na Nigeria bishimira Ahmed Musa
Francis Uzoho umunyezamu wa Nigeria yishima
Ahmed Musa yari yabaye Ahmed Musa muri uyu mukino
Ahmed Musa yahaye ishema Nigeria
Hordur Magnusson wa Iceland arekura ishoti
Kelechi Iheanacho ku mupira akurikiwe na Aron Gunnarsson kapiteni wa Iceland
Ahmed Musa agorana na Alfred Finnbogason (11) wa Iceland
Abafana ba Icelend
Rurik Gislaso ukina hagati muri Iceland agarika Oghenekaro Etebo nawe ukina hagati muri Nigeria
Iheanacho abuzwa inzira
Leon Balogun (6) wa Nigeria ashaka inzira yanyuzamo umupira
Legends Birkir Kristinsson (Iburyo) wa Iceland ari kumwe na Nwanko Kanu (ibumoso) wa Nigeria baganira nk'abagabo bakinnye umupira
Ragnar Sigurdsson (6) yihambira kuri Ahmed Musa
Voctor Moses (11) aca bugufi ngo adacikwa na Birkir Bjarnason (8)
PHOTOS:DailMailOnline
Eng
RSS 
TANGA IGITECYEREZO