Uwizeyimana Bonaventure yatwaye Tour du Cameroun 2018

Uwizeyimana Bonaventure yageze kuri uru rwego nyuma yaho yari yabanje gutwara agace ka gatanu k’iri siganwa akizigama iminota irenga itatu (3’30”)  bityo agakomeza kuyigenderaho mu tundi duce twari dusigaye.

Kuri iki Cyumweru tariki ya 2 Kamena 2018 ubwo hakinwaga agace ka nyuma ka Tour du Cameroun 2018, Uwizeyimana Bonaventure yaje mu mwanya wa karindwi mu rugendo rwavaga Bafia bagana Yaounde mu murwa mukuru wa Cameroun akoresha 3h12’19” mu gihe Sikandi Dapinet Ghislain (Cameroun) yatwaye aka gace akoresheje 3h10’47” bityo asiga Uwizeyimana umunota umwe n’amasegonda 32’ (1’32”).

Ibi byaje gutuma Uwizeyimana aguma mu mwenda w’umuhondo kuko yari akizigamye iminota itatu n’amasegonda 38” (3’38”) , ibihe arusha Haring Martin (Slovakia) ukinira Dukla Banska Bystrica waje ku mwanya wa kabiri ku rutonde rusange akoresheje 21h56’58”.

Kuri uru rutonde, Byukusenge Patrick ari ku mwanya wa kane (4) kuko yakoresheje 21h59’04”, Ukiniwabo Rene Jean Paul ari ku mwanya wa 11, Munyaneza Didier ni uwa 12, Hadi Janvier (17), Nsengimana Jean Bosco (19).

Tour du Cameroun 2018 itashye mu Rwanda ije isanga Tour du Rwanda 2017, La Tropicale Amisa Bongo 2018 na Tour de l’Espoir 2018 byose byatwawe na Areruya Joseph.

Uva ibumoso: Byukusenge Patrick, Munyaneza Didier, Ukiniwabo Rene Jean Paul, Bosco Nsengimana na Hadi Janvier abakinnyi bafatanyaga na Bonaventure muri iri siganwa

Dore abakinnyi batanu ba mbere muri Tour du Cameroun 2018:

1. Uwizeyimana Bonaventure (Rwanda): 21h53’20”

2. Haring Martin (Slovakia): 21h56’58”

3. Martin Mahdar (Slovakia : 21h57’21”

4. Byukusenge Patrick (Rwanda):21h58’45”

5.Cisse Isiaka (Ivory Coast) :21h58’57”

Muri 2017 Uwizeyimana Bonaventure yatwaye agace ka 5 muri Tour du Rwanda 2017

Abatwaye Tour du Cameroun kuva yatangira mu 2003:

2003: Ivan Terenine (Russia)         

2004:Martinien Tega (Cameroun)

2005: Davide Silvestri (Italy)         

2006: Pawel Newdach (Kazakhastan)   

2007: Flavien Chipault (France)   

2008: Joseph Sanda (Cameroun)  

2009: David Clarke (England)       

2010: Milan Barényi (Slovakia)    

2011: Oumarou Minougou (Burkina Faso)     

2012: Yves Ngue Ngock (Cameroun)     

2013 : Nta rushanwa ryabaye

2014: Dan Craven (Namibia)        

2015: Clovis Kamzong (Cameroun)        

2016: Mohammed Amine Errafai (Maroc)     

2017: Nikodemus Holler (Germany)

2018: Uwizeyimana Bonaventure (Rwanda)