Ahabanza Imikino

CRICKET: Telugu Royals na Charity CC ni zo zatwaye UAE Exchange Premier League 2017

Yanditswe na: Mihigo Saddam
Taliki:18/12/2017 12:25 0

Telugu Royals Cricket Club ikipe y’abagabo bakina umukino wa Cricket niyo yegukanye igikombe muri shampiyona y’iyu mukino iterwa inkunga na kompanyi na UAE Exchange, ni imikino yasozwaga kuri iki Cyumweru kuri sitade ya Gahanga.

Telugu Royals yatsinze Indorwa CC ku mukino wa nyuma wakinwe kuva mu masaha y’igtondo kugeza saa cyenda z’igicamunsi. Muri uyu mukino, Indorwa CC batomboye kubanza gutangira barinda imipira (Batting), babikoze 141 muri overs 40.

Mu gice cya kabiri cy’umukino, Telugu Roayals nibo bakoze ‘Batting”, bakora 142 muri overs 24 gusa, imibare yabahe igikombe cya shampiyona. Mu cyiciro cy’abali n’abategarugoli, Charity Cricket Club inakinamo Uwamahoro Cathia uheruka guca agahigo, yatwaye bigikombe itsinze White Clouds Cricket Club ku mukino wa nyuma.

Muri tombola, Charity CC yatomboye gutangira itera udupira (Bowling). White Clouds CC yakoze amanota 65 muri ova 17 naho Charity bakora amanota 66 muri ova 16. Iyi mibare niyo yatumye Uwamahoro Cathia na bagenzi be batwara igikombe White Clouds CC ikinamo Mukunzi Betty.

Telugu Royals bishimira igikombe n'ibihembo abakinnyi bayo bagiye batwara

Mu itangwa ry’ibihembo, Eddie Balaba Mugarura perezida w’ishyirahamwe ry’umukino wa Cricket mu Rwanda (RCA) yavuze ko muri uyu mwaka amarushanwa yagenze neza kandi ko wanabaye umwaka w’umugisha ku mukino wa Cricket muri rusange kuko ni nabwo hatashywe sitade mpuzamahanga ya Gahanga. Balaba yashimye cyane amakipe uko yitwaye n’ikinyabupfura cyaranze abakinnyi ndetse anakomoza ku gushimira ubuyobozi bwa UAE Exchange bwafashe iya mbere mu gukomeza gutera inkunga shampiyona yaba mu myaka yashize n’iyitaha.

“Wabaye umwaka mwiza kuri Cricket kuko shampiyona irangiye neza, dusoje umwaka dufite sitade mpuzamahanga izakomeza kuduhesha ishemaku rwego rw’isi. Reka nshimire amakipe yatwaye ibikombe nanashime uko abakinnyi bitwaye muri rusange. Sinabura gushima UAE Exchange itera inkunga uyu mikino kandi batwijeje ko bazakomeza kutuba hafi”. Balaba

Balaba kandi yavuze ko urwego rw’isi ruyobora umukino wa Cricket (ICC) rwamaze kwemera ko u Rwanda ruzakira irushanwa mpuzamahanga rizakinwa kuva muri Kamena 2018 rigahuza ibihugu byo mu Karere ka Afurika y’iburasirazuba. Mu magambo ye yagize ati “Ni intambwe nziza turi gutera muri Cricket. Ubu nababwira ko umwaka utaha muri Kamena tuzakira irushanwa mpuzamahanga bitewe nuko ICC imaze kutugirira ikizere biturutse ku bwitange buba bwakozwe kugira ngo uyu mukino tuwuvane ku rwego rumwe tuwujyana ku rundi. Ndumva ubu twashima buri umwe wese wagize uruhare mu kuba dufite aho tugeze isi izirikana”.

Indorwa CC batsindiwe ku mukino wa nyuma

Telugu Royals CC batsinze Indorwa CC ku mukino wa nyuma

Telugu Royals ubwo bari basoje umukino

Telugu Royals Cricket Club

Indorwa Cricket Club

Imikino ya nyuma yabereye kuri sitade iheruka gutahwa na Perezida wa Repubulika y'u Rwanda Paul KAGAME

Eric Dusingizimana kapiteni w'ikipe y'igihugu ya Cricket akaba uwafashe iya mbere mu kwitangira umukino wa Cricket mu Rwanda

Eric Dusingizimana kapiteni w'ikipe y'igihugu ya Cricket akaba uwafashe iya mbere mu kwitangira umukino wa Cricket mu Rwanda no mu kubaka sitade ya Gahanga

Uwase Claudine ahabwa igihembo cya "Best Fielder"

Uwamahoro Cathia ubu ni umukozi muri UAE Exchange

Uwera Sarah ahabwa igihembo cya "Best Batter"

Iyo imikino irangiye ikibuga gihita kitabwaho

Diane Bimenyimana ahabwa igihembo nka MVP

Srinath Vardhineni ushinzwe umutungo muri RCA ategereje uwo aha igikombe

Eddie Balaba Mugarura umuyobozi w'ishyirahamwe ry'umukino wa Cricket mu Rwanda (RCA)

White Clouds CC yatsindiwe ku mukino wa nyuma mu bakobwa

Igikombe gikuru

Charity CC yatwaye igikombe

Ikipe ya Charity Women Criket Club

Mukunzi Betty ukinira White Clouds CC yahembwe nk'umukinnyi witwaye neza ku mukino bakinnye n'Indatwa CC

Mu bihembo by’abakinnyi ku giti cyabo, hahembwe abakinnyi bitwaye neza mu mikino yakinwe. Mu bagabo hahembwe abakinnyi umunani bagiye bitwara neza mu mikino itandukanye kongeraho abandi bane bitwaye neza mu myanya bakinnyemo (Award by position).

Dore uko bahembwe (Abagabo):

-Mihir Bhatt (Telugu Royals vs Indorwa)

-Asif Kanuga (Telugu Royals vs Kigali CC)

-Bauesh Jani (Kigali CC vs Indorwa CC)

-Vicky Prajapati (RG CC vs KHCC)

-Daniel Ruyange (KHCC vs CCC)

-Clinton Innocent Rubagumya (RGCC vs CCC)

-Fred Ndayisenga (Telugu Royals vs RGCC)

-Subhasi Samal (CCC vs KCC)

-Eric Ndayisenga (Best Fielder)

-Ajay Patial (Best Bowler)

-Shiva Samba (Best Batsman)