Claudio Ranieri Umutaliyani watoje Leicester City kuva mu 2015 ndetse akanayihesha igikombe cya shampiyona cyayo cya mbere mu mateka yayo yari imaze imyaka 132 itegereje, kuri ubu yamaze kumwirukana ku mirimo ye nyuma yo kubona ko noneho ikipe yabo iri kujya ahabi.
Iyirukanwa ry’uyu Mugabo w’imyaka 65, rije rimusanga ku mwanya wa 17 ku rutonde rw’agateganyo rwa shampiyona isigaje imikino 13 ikarangira ndetse no kuba umukino aheruka gutoza yaratsinzwe na FC Sevilla mu mukino wa 1/8 muri UEFA Champions League.
Ranieri yatoje amakipe arimo;Vigor Lamezia (1986-1987), Puteolana (1987-1988), Cagliari (1988-1991), SSC Napoli (1991-1993), Fiorentina (1993-1997), Valencia (1997-1999, 2004-2005), Atletico Madrid (1999-2000), Chelsea (2000-2004), Parma (2007), Juventus (2007-2009), AS Roma (2009-2011), Inter Millan (2011-2012), AS Monaco (2012-2014) mbere yo gutoza ikipe y’igihugu y’u Bugereki (2014) yavuyemo aza muri Leicester City.
Nk’umukinnyi w’umupira w’amaguru, Ranieri yakiniye AS Roma (1973-1974) imikino itandatu (6) dore ko yakinaga nka myugariro. Yaje kuhava agana muri Catanzaro (1974-1982) yakinnyemo imikino 225 ayitsindira ibitego umunani (8) mbere yo kugana muri Catania (1982-1984) akayikinamo imikino 92 agatsinda igitego kimwe(1). Yasoreje muri Palermo (1984-1986) yakinnyemo imikino 40.
Leicester City yayihesheje igikombe cya shampiyona 2015-2016
Eng
RSS 
TANGA IGITECYEREZO