Ikipe ya Rayon Sports yanganyije na Gormahia FC ibitego 2-2 mu mukino wabo wa mbere mu itsinda rya kabiri (B) wakinwaga ku gica munsi cy’iki Cyumweru tariki ya 1 Nyakanga 2018.
Gormahia FC ni yo yafunguye amazamu ku munota wa 34’ gitsinzwe na Tuyisenge Jacques umunyarwanda ukinira Gormahia mbere yuko Mieno Humphrey yungamo ikindi ku munota wa 39’ w’umukino.
Amakipe avuye kuruhuka ni bwo Rayon Sports yazamuye umwuka wo guhangana batangira kwishyura ibi bitego bahereye ku gitego cyatsinzwe na Ismaila Diarra ku munota wa 62’ biciye muri penaliti. Kwizera Pierrot Mansare wari unambaye igitambaro cya kapiteni ni we wishuye ideni ryose kuko yatsinze igitego ku munota wa 88’ w’umukino.
Nubwo Rayon Sports yatangiye igice cya mbere ubona itaragera neza mu mukino, byaje kurangira umusaruro w’imibare yavuye mu mukino ubona ko mu minota ya nyuma y’umukino bazamuye urwego kuko banagumanye umupira ku kigero cya 53% mu gihe Gormahia FC yari ifite 47%.
Yaba Gormahia FC na Rayon Sports, buri kipe yateye amashoti atanu (5) agana mu izamu, Rayon Sports bateye amashoti atanu (5) aca kure y’izamu mu gihe Gormahia FC bateye bene aya mashoti inshuro imwe (1) gusa.
Rayon Sports bateye koruneri eshatu (3) mu gihe Gormahia FC bateye koruneri eshanu (5), Rayon Sports yakoze amakosa 23 kuri 17 ya Gormahia FC. Gormahia FC bakoze amakosa yo kurarira inshuro eshanu (5) mu gihe Rayon Sports babikoze inshuro ebyiri (2). Rayon Sports bahawe amakarita atatu (3) y’umuhondo mu gihe Gormahia FC bahawe imwe (1).
Abakinnyi babanje mu kibuga:
Rayon Sports XI: Ndayisenga Kassim (GK,27), Kwizera Pierrot (C,23), Manzi Thierry 4, Mugabo Gabriel 2, Yassin Mugume 18, Rwatubyaye Abdul 19, Niyonzima Olivier Sefu 21, Djabel Manishimwe 28, Eric Irambona Gisa 17, Ismaila Diarra 20 na Muhire Kevin 8.
Gormahia FC XI: Oluoch Boniface (GK,29), Wafula Innocent (C,7), Geofrey Walusimbi 2, Shakava Haron 18, Momanyi Charles 27, Wendo Ernest 20, Francis Kahata 8, Mieno Hamphrey 30, Tuyisenge Jacques 9, Guikan Ephrem 19 na Odhiambo George 25.
Eng
RSS 
TANGA IGITECYEREZO