Ahabanza Imikino

BASKETBALL: Hasojwe icyiciro cya kabiri cy’amahugurwa ku batoza ba Basketball mu Rwanda-AMAFOTO

Yanditswe na: Mihigo Saddam
Taliki:11/05/2018 23:23 0

Kuri uyu wa Gatanu tariki ya 11 Gicurasi 2018 mu cyumba cy’inama cya sitade Amahoro giteganye n’ibiro bikuru by’ishyirahamwe ry’umukino wa Basketball mu Rwanda, hasojwe amahugurwa y’abatoza ba Basketball bakorera mu Rwanda,byari muri gahunda yo kubongerera ubumenyi mu bijyanye no gutoza uyu mukino.

Ni amahugurwa yatanzwe na Dr.Cherif Mohammed Habib umuyobozi mukuru w’inama mpuzamahanga y’abatoza b’umukino wa Basketball muri Afurika (FIBA-Afrique).

Ni amahugurwa y’icyiciro cya kabiri ahabwa abatoza batoza amakipe y’abakinnyi bafite imyaka ijya kwigira hejuru kuko baba basanzwe barakoze amahugurwa y’icyiciro cya mbere (Niveau I) bikaba ngombwa ko bakora amahugurwa y’icyiciro cya kabiri (Niveau II).

Amahugurwa y’icyiciro cya mbere aba arebana n’uburyo batoza abana bari munsi y’imyaka 15, icyiciro cya kabiri baba bigisha umuntu uko yatoza abana bakuze kuva ku mwyaka 15 kugeza kuri 18 mu gihe amahugurwa y’icyiciro cya gatatu (Niveau III) aba ahugura umutoza uko yatoza ikipe y’igihugu yaba abakuru cyangwa abakiri bato (U16, U18) ndetse n’amakipe aba ahatana muri shampiyona nk’uko byasobanuwe na Dr.Cherif Mohammed Habib.

Dr.Cherif Mohammed Habib umunya-Tunisia watanze aya mahugurwa

Dr.Cherif Mohammed Habib umunya-Tunisia watanze aya mahugurwa kuva ku Cyumweru tariki ya 6-11 Gicurasi 2018

Dr.Cherif Mohammed Habib yavuze ko ashima komite Olempike na FERWABA ku bushake bagaragaje mu kuba bifuza ko umukino wa Basketball watera imbere cyane babanje guhugura abatoza no guhera ku ban abakiri bato.Uyu mugabo yavuze ko amahugurwa yagenze neza kandi ko yasanze Abanyarwanda bagira inyota yo kumenya bityo bikoroha kubigisha.

Mu ijambo rye asoza aya mahugurwa, Dr.Cherif Mohammed Habib yagize ati “Kuba u Rwanda rugenda rugira abatoza benshi banasobanukiwe ni intangiriro nziza yo kuzamura uyu mukino kuko aba batoza nibo bazajya bifashishwa yaba mu kuzamura impano z’abana b’u Rwanda, nizeye ko mu myaka iri imbere bizatanga umusaruro. Ndabashimira ko amahugurwa yagenze neza uko byari biteguye kandi mbibutse ko ibi twigiye aha mugomba kubishyira mu ngiro”.

Dr.Cherif Mohammed Habib yabwiye abatoza ko bagomba gushyiramo imbaraga bagashyira mu bikorwa ibyo bize

Dr.Cherif Mohammed Habib yabwiye abatoza ko bagomba gushyiramo imbaraga bagashyira mu bikorwa ibyo bize

Nyirishema Richard visi perezida wa FERWABA wari unayihagarariye muri uyu muhango, yavuze ko ari amahugurwa yahurije hamwe abatoza 30 batandukanye kandi ko iri shyiramwe ryitezemo ko umusaruro uzavamo uzatanga icyizere ku itera mbere rya Baskeball no kuba hagiye kwiyongera umubare w’abatoza bafite ibyangombwa.

“Twebwe icyo dukeneye nuko abatoza dufite bagenda biyongera mu mubare no kwiyongera mu bushobozi. Muri aya mahugurwa harimo abatoza basanzwe batoza amakipe yacu n’abungurije, hari abatozaga badafite urwo rwego rwemewe ariko ubu bagenda babibona, ni ukuvuga ngo hari ubumenyi ariko nanone hari no kuba wemerewe gutoza amakipe ya shampiyona n’igihugu. Turi gushyira ku murongo abatoza bacu no kuba babona ibyangombwa byemewe”. Nyirishema Richard.

Nyirishema yasoje avuga ko aya mahugurwa azakurikirwa n’andi azaba mu Kamena 2018 akazamara ibyumweru bitatu ku buryo no mu ntara bazashyirayo amasite kugira ngo borohereze abava hanze y’umujyi wa Kigali.

Rwemarika Felecite visi perezida wa mbere muri Komite Olempike y’u Rwanda (CNOSR) wari unayihagarariybe muri uyu muhango, yavuze ko ari iby’agaciro kuba Abanyarwanda bagenda bongera ubumenyi muri siporo zitandukanye. Gusa ngo hagomba kubaho ubukangura mbaga kugira ngo umubare w’igitsina gore wiyongere mu ngeri zose.

Rwemarika Felicite visi perezida wa mbere muri Komite Olempike y'u Rwanda

Rwemarika Felicite visi perezida wa mbere muri Komite Olempike y'u Rwanda

Muri aya mahugurwa yitabiriwe n’abanyarwanda 30, harimo abatoza b’igitsina gore batatu (3) n’abagabo 27. Rwemarika yifuza ko amashyirahamwe y’imikino yazazana gahunda ya 30% muri gahunda za siporo baba bateguye cyane nko mu batoza.

Uva ibumoso: Nyirishema Richard, Dr.Cherif Mohammed Habib na Amb.Munyabagisha Valens (Iburyo) mu