NTIBISANZWE :Umugabo yifuza kugabanya imyaka kugira ngo areshye inkumi

Ibi byatumye atanga ubusabe mu rukiko rwa Arnhem ruri mu Burasirazuba bw'u Buholandi, rwamwemereye ko ruzasoma umwanzuro ku busabe bwe mu gihe cy'ibyumweru 4 biri imbere. Ratelband avuga ko yabwiwe n'abaganga ko umubiri we uteye nk'uw'umuntu ufite imyaka 45 bityo yifuza ko n'amategeko amusanisha n'imiterere y'ubuzima bwe.

Ratelband yemeza ko kandi akumirwa kubera imyaka ye 69, ariko no mu gihe yakurirwaho imyaka 20 mu buryo bwanditse yaba afunguriwe inzira nyinshi. Aganira n'itangazamakuru ryo mu Buhorandi yagize ati:

Imyaka mfite inkumira gushaka akazi, bingabanyiriza amahirwe yo kuvugana n'umukobwa cyangwa umugore nshaka ku mbuga nkoranyambaga. Iyo ndi ku rubuga nkoranyambaga rwa Tinder ntawe unsubiza ariko ku myaka 49 nzaba mfite amahirwe menshi, mfite imyaka 49 nashobora kugura inzu nkagura imodoka nkanakora n'ahantu henshi.

Urubuga nkoranyambaga Emile Ratelband yifuza kuvuganaho n'uwo ashatse wese mu gihe yagabanirizwa imyaka

Kuri Emile Ratelband ngo kuba umuntu ashobora kwihinduza igitsina akihinduza umugabo cyangwa umugore ngo no kugabanya imyaka birashoboka ndetse yanemeje ko yibona agasanga akiri muto ku buryo yifuza kuryoherwa n'igihe gisigaye yiyumva nk'ukiri muto.

Hagati aho ibitangazamkuru byo mu Buholandi bivuga ko itegeko nshinga ry'iki gihugu  rishobora gukumira ubusabe bw'uyu mugabo kuko ntaho ritegenya guhindura imyaka mu buryo bwanditse byemewe n'amategeko. Ubusanzwe Ratelband ni umuntu ukunze kuvugwa mu itangazamkuru ryo mu Buholandi kubera kugira udushya twinshi.

Src: BBC