Kuri iyi tariki nibwo Adele na Chris Brown bavutse: bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1494: Umunyaportugal wazengurukaga isi, Christopher Columbus yageze ku kirwa cya Jamaica muri Amerika y’epfo, maze agiha igihugu cya Espagne.

1821: Napoleon I wari umwami w’u Bufaransa yatangiye mu buhungiro aho yari yarahungiye mu birwa bya Saint Helene.

1925: Guverinoma ya Afurika y’epfo yemeje ururimi rwa Afrikaans nk’ururimi rwa mbere rwo gukoresha mu gihugu.

1936: Mu gihe cy’intambara igihugu cy’u Butaliyani cyateragamo Ethiopia, ingabo z’u Butaliyani zafashe umurwa mukuru Addis Ababa.

1941: Nyuma yo guhunga, umwami w’abami wa Ethiopia Haile Selassie yagarutse mu murwa mukuru Addis Ababa, uyu munsi ukaba ufatwa muri iki gihugu nk’umunsi wo kwibohora.

2007: Indege ya Kenya Airways yari itwaye abagenzi bagera ku 114 yakoze impanuka mu gace ka Douala muri Kameruni abagenzi bose bari bayirimo bahasiga ubuzima.

Abantu bavutse uyu munsi:

1818: Karl Marx, umucurabwenge w’umudage yabonye izuba aza utabaruka mu 1883.

1946: Jim Kelly, umukinnyi wa filime akaba yari n’umuhanga mu mikino njyarugamba nibwo yavutse, aza kwitaba Imana mu 2013.

1976: Sage Stallone, umukinnyi, umwanditsi, umuyobozi, akaba n’umushoramari wa filime w’umunyamerika akaba yari umuhungu w’igihangange Sylvestre Stallone yabonye izuba, aza kwitaba Imana mu 2012.

1977: Choi Kang-hee, umukinnyikazi wa filime akaba n’umuDJ w’umunyakoreya y’epfo wamenyekanye nka Noh Eun-seol muri filime Protect The Boss yabonye izuba.

1981: Craig David, umuririmbyi w’umwongereza yabonye izuba.

1984: Christian Valdéz, umukinnyi w’umupira w’amaguru w’umunyamegizike nibwo yavutse.

1985: Tsepo Masilela, umukinnyi w’umupira w’amaguru w’umunya Afurika y’epfo nibwo yavutse.

1988: Adele, umuririmbyikazi w’umwongereza yabonye izuba.

1989: Chris Brown, umuririmbyi w’umunyamerika yabonye izuba.

1993: Francine Niyonsaba, umukinnyi w’amasiganwa ku maguru w’umurundikazi nibwo yavutse.

Abantu bitabye Imana uyu munsi:

1821: Umwami w’abami Napoleon I w’ubufaransa, yaratanze.

1944: Bertha Benz, umudagekazi wari umugore wa Karl Benz (washinze uruganda rukora imodoka za Benz) yitabye Imana, ku myaka 95 y’amavuko.

1994: Abatutsi biciwe hirya no hino mu gihugu, mu gihe Jenoside yakorewe Abatutsi mu Rwanda yari ikomeje.

2007: Theodore Maiman, umunyabugenge w’umunyamerika akaba ariwe waremye igikoresho cya Laser cyohereza imirasire, yaratabarutse ku myaka 80 y’amavuko.

2010: Umaru Musa Yar'Adua, wabaye perezida wa 12 wa Nigeriya yaratabarutse, ku myaka 59 y’amavuko.

Iminsi mikuru yizihizwa uyu munsi:

Uyu munsi ni umunsi mpuzamahanga w’ababyaza (International Midwives' Day)