Kigali:Mu masaha macye, itsinda Exo, Fortrand, Olivier Cheuwa, Gaby Kamanzi na Patient barahurira mu gitaramo ‘Fragrance worship’

Iki gitaramo ‘Fragrance worship’ kigiye kuba ku nshuro ya mbere kibera hano mu Rwanda, cyateguwe n’umuramyi mpuzamahanga Fortrand Bigirimana ufite inkomoko mu Burundi, agitegura ku bufatanye na Moriah Entertainment. Muri iki gitaramo, Fortrand Bigirimana wamamaye mu ndirimbo ‘Ntaco nzoba’ ,arafatanya na Chris & Laura bo mu tsinda EXO ryamamaye ku isi mu muziki wa Gospel by’umwihariko ku bantu bakunda indirimbo za Gospel ziri mu rurimi rw’igifaransa,Olivier Cheuwa wo muri Busuwisi na Gaby Kamanzi wo mu Rwanda.

Kwinjira muri iki gitaramo ni 5000Frw mu myanya isanzwe ndetse na 10,000Frw muri VIP. Iki gitramo kizatangira saa kumi n’ebyiri z’umugoroba kibere muri CLA Nyarutarama. Groupe EXO na Olivier Cheuwa bagiye gukorera igitaramo mu mujyi wa Kigali nyuma yo kuva i Burundi mu gitaramo nk’iki cyo kuramya no guhimbaza Imana. Mbere y’uko bahurira mu gitaramo, kuri Gatanu tariki 14 Nyakanga 2017 Chris & Laura bo mu itsinda Exo na Fortrand basuye urwibutso rwa Jenoside rwa Kigali bunamira inzirakarengane zazize Jenoside yakorewe abatutsi. 

Chris & Laura bagize itsinda Exo baraza kuba bari muri iki gitaramo

Gaby Kamanzi araririmba muri iki gitaramo

Patient Bizimana ari mu bari buririmbe muri iki gitaramo