Abanditsi n’abakinnyi ba filime bagiye mu ntara y’amajyepfo

Kuri uyu wa 4 tariki 31 nibwo aya mahuriro azerekeza mu karere ka Huye, mu gikorwa kizabera ku ishuri ryigisha sinema rya NSPA. “Nk’abanditsi twagize igitekerezo cyo gusura abantu bandika filime batuye mu ntara zitandukanye tubiganiriza abakinnyi, twiyemeza gukorana icyo gikorwa.” – Aaron Niyomungeri, umuyobozi w’ihuriro ry’abanditsi asobanura iby’uru rugendo mu kiganiro n’umunyamakuru wa Inyarwanda.com

Aaron yakomeje avuga ko kuri uyu wa 4 tariki 31 abayobozi muri aya mahuriro baherekejwe n’abayobozi mu rugaga rwa sinema bazasura abakorera Huye mu gikorwa kizabera ku ishuri rikururya NSPA ku Itaba ku isaha ya saa munani.

Aaron yakomeje avuga ko, ibi bikorwa bigamije “kwegera no kuganiriza abatuye mu ntara ku bijyanye no kwibumbira mu mahuriro ku bakora sinema mu Rwanda, no kugaragaza ibyiza byo gukorera hamwe.”