Uwahoze ari umugore wa Katauti Irene Uwoya yashakanye n’umugabo w’imyaka 23

Hari hashize iminsi Irene Uwoya ashyira kuri Instagram amafoto yambaye ikanzu y’ubukwe benshi bagakeka ko ari ukwamamaza ariko birangira ashyizeho n’ubutumire, nyuma aza no kwemeza ko yashyingiwe n’umugabo yatekerezaga mu nzozi ze. Yagize ati “Nashyingiranwe n’umugabo w’inzozi zanjye, na n’ubu ndacyarira amarira y’ibyishimo. Dogo Janja ndagukunda kandi mfite amashyushyu yo kumarana iminsi yose y’ubuzima bwanjye isigaye nawe”

Irene Uwoya ngo yabonye 'umugabo w'inzozi ze'

Uyu Dogo Janja amazina ye asanzwe ni Yousouf Enow Pierre naho Oprah ni Sheillah Pankras Uwoya, nk’uko bigaragara ku rupapuro rw’ubutumire. Uyu musore asanzwe ari umuhanzi muri Tanzania aho azwi mu ndirimbo nka ‘Ngarenaro’, basezeranye mu buryo busa nk’ubutaramenyekanye cyane, dore ko iby’ubu bukwe bigaragara kuri Instagram ya Irene Uwoya gusa, Dogo Janja nta bijyanye n’ubu bukwe yashyize ku mbuga nkoranyambaga ze.

Ndikumana Hamadi Katauti na Irene Uwoya bagikundana

Basezeranye mu gihe Irene Uwoya afite imyaka 29 y’amavuko naho Dogo Janja akaba afite 23. Ubwo yari ku kiganiro kuri radiyo, Dogo Janja yatangaje ko yatangiye gukunda uyu mugore kuva kera ari umwana amubona nk’umukobwa w’inkumi mu mafilime none inzozi ze zibaye mpamo ahindutse umugore we. Irene Uwoya ashakanye n’uyu mugabo ukiri muto mu gihe yagiye avugwaho gukundana n’abagabo batandukanye nyuma yo gutandukana na Katauti bashakanye muri 2009 ubwo yari agifite imyaka 21 gusa.

Uyu mugore kandi asanzwe afite umwana w’umuhungu witwa Krish yabyaranye na Katauti.

Irene Uwoya asanganwe umwana w'umuhungu yabyaranye na Katauti

Uyu niwe Dogo Mjanja washakanye na Irene Uwoya

Dogo Mjanja na Irene Uwoya

Irene Uwoya ku munsi w'ubukwe bwe na Katauti