Umuhanzikazi Marina uzwi mu ndirimbo nyinshi zinyuranye ndetse akaba n'umwe mu bari batangiye kuzamuka neza mu muziki wo muri iyi minsi, kuri ubu yamaze gutangaza ko ahagaritse umuziki burundu gukora amashusho y'indirimbo ze ndetse indirimbo ye ya nyuma ikaba ari Karibu amaze iminsi akorera amashusho.
Uyu muhanzikazi aganira na Inyarwanda.com yadutangarije ko yahagaritse gukora amashusho y'indirimbo ku mpamvu adashaka guhita atangaza ariko avuga ko yabimenyesheje abamufashaga mu muziki ndetse akanagerageza kubasobanurira gusa ntibabyumve. Yagize ati: "Narabasobanuriye ntibabyumva gusa ni icyemezo nafashe kingoye kandi nagikoze nashyize amashusho hanze nsezera umuziki."
Marina washyize hanze amashusho asezera asezera gukora amashusho y'indirimbo yagize ati"Muraho nitwa Marina, nejejwe no gufata uyu mwanya menyesha abakunzi banjye, Management yanjye ndetse n'itangazamakuru nyuma yo kuba bari bamaze iminsi bumva indirimbo yanjye karibu, ubu muri kundeba gutya maze gukora amashusho y'indirimbo yanjye Karibu ariyo ndirimbo ya nyuma mfatiye amashusho."
Marina asezeye umuziki nyuma y'indirimbo ze nyinshi zari zimaze igihe zikunzwe n'abatari bake
Marina yakomeje agira ati"Ni umwanzuro ukomeye mu buzima bwanjye, ndetse no kubafana banjye aribo nita abakunzi banjye ndetse n'itangazamakuru ndetse na management ariko nanjye ubwanjye byangoye nabibabwiye. Ntabwo ndamenya igihe nzongera kubitangira nkavuga ngo ngiye gufata amashusho ariko kuri Karibu niho mbaye mpagarikiye kandi ndabakunda mugire ibihe byiza."
Umunyamakuru wifuje kumenya niba ubuyobozi bwa The Mane bwari buzi iki cyemezo cy'uyu muhanzikazi yabajije Bad Rama umuyobozi wa The Mane adutangariza ko mu by'ukuri nta kintu abiziho.
Eng
RSS 
TANGA IGITECYEREZO