Muri iyi minsi abahanzi Meddy na The Ben basanzwe baba muri Leta Zunze Ubumwe za Amerika bari kubarizwa mu Rwanda aho buri umwe yatumiwe mu bitaramo binyuranye icyakora nyuma yabyo hakaziramo n’ibindi. Kuri ubu aba bombi bahuriye mu ndirimbo imwe na Riderman ndetse na King James.
Indirimbo aba bahanzi bahuriyemo ni ‘Wiceceka’ ikaba ari indirimbo ivuga ibigwi gahunda nshya sosiyete ya AIRTEL izaniye abanyarwanda, mu rwego rwo kwamamaza iyi gahunda bakaba barahisemo gukora indirimbo iyamamaza. Usibye kandi iyi ndirimbo Airtel Rwanda irateganya ibitaramo binyuranye byo kuzenguruka ibice binyuranye by’igihugu aho Meddy afatanyije na Riderman bazataramira abanyarwanda bahereye ku gitaramo kizabera i Rusizi tariki 30 Nzeri 2017.
Amashusho y’iyi ndirimbo ya ‘Wiceceka’ yafashwe na Meddy Saleh ari nawe ugomba kuyatunganya. Mu kiganiro kigufi bagiranye na Inyarwanda aba bahanzi bose bashimiye Airtel Rwanda kuri gahunda nziza ikomeje guha abanyarwanda ndetse banizeza abafana babo kuzabona amashusho meza y’iyi ndirimbo.
Abasore babanje kwitabwaho ngo bagaragare mu mashusho basa neza
Meddy
Riderman 
The Ben 
Meddy na The Ben
Kari akazi gakomeye gusa gategerejwemo umusaruro uhagije
REBA HANO AMASHUSHO YUKO BYARI BYIFASHE MU IFATWA RY'AYA MASHUSHO
Eng
RSS 
TANGA IGITECYEREZO