Nk’uko byari biteganijwe, kuri uyu wa Gatandatu tariki ya 09 Mutarama 2015, urugendo rwo gushaka umukobwa w’ubwenge n’uburanga bihebuje uzegukana ikamba rya Miss Rwanda 2016, rwatangiriye i Musanze mu Ntara y’Amajyaruguru, aho abakobwa bagera kuri 17 biyizeye bari babukereye baje kugerageza amahirwe yabo.
Ni igikorwa cyabereye kuri Virunga Hotel ari naho umwaka ushize nabwo uru rugendo rwari rwatangiriye ndetse Miss Kundwa Doriane waje kuba Miss Rwanda 2015 akaba yari yaturutse hano muri iyi Ntara.
Aha niho abakobwa bari bateganyirijwe guhagarara mu gihe cyo kubazwa ibibazo bitandukanye n'akanama nkemurampaka
Nk’ibisanzwe abakobwa babanje kugaragaza imyirondoro yabo ndetse banapimwa uburebure n’ibiro byabo kugirango harebwe niba bujuje ibiro n’uburebure fatizo kugirango bemererwe kwigaragariza akanama nkemurampaka.
Aba bari muri salle bategereje kumva amabwiriza
Umunzani na metero byari byateganijwe
Aba bakobwa nibo bagize amahirwe yo kunyura imbere y'akanama nkemurampaka
Abakobwa batanu gusa akaba aribo bujuje ibisabwa maze bigaragariza akanama nkemurampaka, kuri iyi nshuro nako kagaragayemo amasura mashya gusa asanzwe azwi mu bikorwa nk’ibi aribo Mama Eminente na Miss Rusaro Carine baje biyongera kuri Mike Karangwa wongeye kugaragara atanga amanota nk’uko yabikoze umwaka ushize ubwo yarafatanije na Aline Gahongayire hamwe na John Bunyeshuri.
Mugabushaka Jeanne de Chantal uzwi cyane nka Mama Eminente umenyerewe mu biganiro mbonezamubano kuri radio 10, yari umwe mu bagize akanama nkemurampaka
Miss Rusaro Carine
Mike Karangwa
Nyuma yo kwigaragariza akanama nkemurampaka, abakobwa bane nibo batambutse, barimo uwitwa Umutoni Pascaline, Umuhoza Sharifa, Uwamahoro Solange na Mujyambere Sheillah, mu gihe uwitwa Umutoniwabo Cynthia atagize amahirwe yo gukomeza.
Aba nibo bane bakomeje, bazaserukira Intara y'Amajyaruguru
Mujyambere Sheillah ufite uburebure bwa 1,75m n'ibiro 50kg ni umwe mubatambutse
Umuhoza Sharifa afite uburebure bwa 1,74m, n'ibiro 57 nawe akaba yakomeje
Uwamahoro Solange afite uburebure bwa 1,70m n'ibiro 47,7 nawe azaserukira intara y'Amajyaruguru
Umutoni Pascaline afite ibiro 57,6 n'uburebure bwa 1,75m nawe ari muri bane batoranijwe
Biteganijwe ko kuri iki Cyumweru igikorwa cyo kuzenguruka intara zose zigize u Rwanda hashakishwa umukobwa uzegukana ikamba rya Miss Rwanda 2016 kizakomereza i Rubavu mu Ntara y’Uburengerazuba.
Eng
RSS 
TANGA IGITECYEREZO