Miss Elsa yahuye n’Ambasaderi w’u Rwanda muri Suède agirana ubusabane n’Abanyarwanda bahaba-AMAFOTO

Mu mpera z’icyumweru turangije Nyampinga w’u Rwanda Iradukunda Elsa yari ari mu mujyi wa Stockholm umurwa mukuru wa Suède aho yari yifatanije n’Abanyarwanda baba muri Suède kwishimira intsinzi ya Nyakubahwa Perezida wa Repuburika Paul Kagame ahari hateraniye abanyarwanda benshi. Miss Rwanda 2017, Iradukunda Elsa yashimiye abamutumiye kwifatanya nabo muri ibi birori anashimira Abanyarwanda baba muri Suède urukundo yabonye rubaranga ariko anababwira ko kuba bamutumiye kwifatanya nabo ku munsi nk’uyu uvuze byinshi ku banyarwanda ari iby’agaciro.

Miss Elsa sibye no kuganira yishimanye n'aba banyarwanda baba muri Suède

Muri ibi birori Miss Rwanda 2017 yahuriyemo n’abantu batandukanye harimo na Ambasaderi w’u Rwanda muri Suède Christine Nkulikiyinka wamwakiriye neza ndetse akamwifuriza ikaze muri Suède. Miss Rwanda 2017 yitabiriye ibi birori yambaye imyambaro yakorewe mu Rwanda mu rwego rwo kwamamaza ibikorerwa mu Rwanda.

Miss Elsa yifotoranyije n'Abanyarwanda baba muri iki gihuguIburyo kuri iyi foto ni Ambasaderi Christine Nkulikiyinka hamwe na Miss Rwanda Elsa Iradukunda

AMAFOTO: Miss Rwanda