KIGALI: Diamond yasuye isoko rya Nyarugenge akomereza i Nyamirambo asabana n'abafana be-AMAFOTO

Ahagana isaa munani n'igice z'amanywa z'uyu wa Gatandatu, ni bwo Diamond Platnumz yageze mu isoko rya Nyarugenge, asura amaduka abiri aganira na ba nyirayo iminota micye ahita akomereza urugendo rwe i Nyamirambo ku kibuga kiri inyuma ya Stade aho yahuriye n'abafana be anaboneraho kwamamaza ubunyobwa bwe bwamwitiriwe ‘Diamond karanga’. Yaba ku isoko rya Nyarugenge ndetse n'i Nyamirambo, hari hari abantu benshi bari bahurujwe no kureba icyamamare Diamond, gusa hari abatabashije kumubona kubera umubyigano wari uhari. 

Abari ku isoko rya Nyarugenge bishimiye kubona umuhanzi w'icyamamare bakunda

I Nyamirambo, nta jambo Diamond yigeze ahavugira kimwe nuko atigeze anaririmba, ahubwo icyari gihatse uruzinduko rwe i Nyamirambo byari ukwamamaza ubunyobwa bwe, dore ko icyo Diamond yakoze akihagera, yinjiye aho bwari buri, akabujugunya mu bantu bari aho bakaburwanira. Nyuma y'iminota nka 30, Diamond yahise agenda.

Mu buryo bw'ibanga, Diamond yasuye inzu agiye kugura ku Gishushu mu mujyi wa Kigali. Abanyamakuru bahejwe bikomeye ubwo Diamond yari agiye gusura inzu agiye kugura i Kigali ndetse abagerageje kujyayo bangiwe gufotora iyo nzu dore ko banabujijwe kwinjira. Amakuru agera ku Inyarwanda.com ni uko iyi nzu Diamond atari yayishyura, ahubwo akaba yayisuye mu rwego rwo kuyirambagiza. 

REBA AMAFOTO UBWO DIAMOND YARI MU MUJYI WA KIGALI

Diamond yari acungiwe umutekano mu buryo bukomeye

Ku isoko rya Nyarugenge hari abantu benshi bashakaga kureba Diamond

Basabwe gutanga inzira Diamond agomba gucama yinjira mu isoko

Nawe urabyibonera uburyo hari abantu benshi

Diamond  (hagati) ku isoko rya Nyarugenge

Diamond yinjiye mu isoko asura amaduka amwe n'amwe

Diamond asuhuza umwe mu bo bahuriye mu isoko

Mu bicuruzwa byose yahisemo  ‘Diamond karanga’

Hanze y'isoko hari abantu benshi bari bategereje ko asohoka bakamureba

Abasore b'ibingango bacungiraga Diamond umutekano bakoze akazi gakomeye

Guca mu bantu barimo kubyigana ntibyari byoroshye

Diamond yinjira mu modoka

Hano ni i Nyamirambo aho Diamond yahuriye n'abafana be

Mukabagabo Carine (iburyo) witabiriye Miss Rwanda 2017 ari mu bamamazaga ubunyobwa bwa Diamond

Diamond yari ajyanywe i Nyamirambo no kwamamaza ubunyobwa bwe

Mukabagabo Carine (ibumoso) yari hafi cyane ya Diamond

Bamwe mu bifashishijwe mu kwamamaza ubunyobwa bwa Diamond

AMAFOTO: IRADUKUNDA Dieudonne-Inyarwanda.com