Ahabanza Imyidagaduro

AMAFOTO arenga 130 utigeze ubona y'ibirori bya Rwanda Day byabereye mu Bubiligi

Yanditswe na: Nkurunziza Gustave
Taliki:20/06/2017 8:47 0

Kuwa Gatandatu tariki ya 10 Kamena 2017 ni bwo habaye ibirori bya Rwanda Day bibera mu gihugu cy'u Bubiligi aho abanyarwanda bavuye mu mpande zitandukanye baje kwakira no kuganira na Perezida Paul Kagame ndetse hakaba hari n'abandi banyarwanda baturutse mu Rwanda hamwe n'inshuti zabo.

Ibi birori bya Rwanda Day byabereye kuri Flanders Expo mu mujyi wa Ghent mu Bubiligi bikaba byaritabiriwe ku rwego rwo hejuru ndetse nkuko bisanzwe, ababyitabiriwe bishimiye guhura no kuganira na Perezida Kagame. Ni ibirori byaranzwe n'ibyishimo bidasanzwe ku bantu babyitabiriye nkuko INYARWANDA yagiye ibibagezaho kuri uwo munsi uko byari byifashe cyane cyane muri iyi nkuru igaragaza neza uko byari byifashe :

RWANDA DAY: Byari umunezero udasanzwe ubwo Perezida Kagame yahuraga n'abanyarwanda mu Bubiligi - AMAFOTO 100

Mu ijambo rye Perezida Paul Kagame yavuze ko u Rwanda ruri kubaka amateka mashya ashingiye ku bumwe, ku gukora no gukoresha ukuri. Yabwiye abanyarwanda baba hanze y’u Rwanda ko nta muntu ubanenga ko baba hanze mu gihe bakora ibibubaka ndetse bagatanga n'umusanzu mu kubaka igihugu cyabo. Abanyarwanda baba hanze y'u Rwanda bakwiye kunengwa, Perezida Kagame yavuze ko ari abakora nabi.

Nyuma y'ijambo rya Perezida Kagame, ababyitabiriye bahawe umwanya babaza umukuru w'igihugu ibibazo bafite ndetse banatanga ibitekerezo bigamije kubaka u Rwanda. Mu gusoza ibirori, habayeho umwanya wo gutaramana n'abahanzi nyarwanda barimo Soul T, Inki, Jali, Teta Diana na King James.

Nubwo rero twakomezaga kubagezaho uko byari byifashe kuri uriya munsi, hari amafoto menshi cyane agaragaza ibyishimo byaranze uriya munsi abantu batigeze babona. Ni muri urwo rwego Inyarwanda.com twabegeranirije andi mafoto arenga 130 yo kuri uriya munsi.