Kuri iki Cyumweru tariki ya 18 Mutarama 2015, igikorwa cyo kuzenguruka mu gihugu hatoranywa abakobwa bagomba guhagararira intara n’umujyi wa Kigali mu marushanwa ya Miss Rwanda 2015 cyakomereje mu ntara y’uburasirazuba, aho iyi ntara yaciye agahigo ko kugira abakobwa benshi bahataniye kwinjira muri 5 ba mbere.
Abakobwa 29 nibo bagaragaye bifuza guserukira iyi ntara, ariko nyuma yo gupimwa ibiro n’uburebure fatizo 18 aba aribo bemererwa gukomeza bakanyura imbere y’akanama nkemurampaka, nako kahisemo 5 bahize abandi ari nabo bazaserukira iyi ntara.
Ikindi cyagaragaye kandi ni uko kuva iki gikorwa cyatangira aribwo bwa mbere nyampinga w'u Rwanda 2014 Akiwacu Colombe yitabiriye dore ko iyi ntara nawe ariyo yari yasohokeye mu mwaka ushize nka nyampinga wari wahize bagenzi be, aza no gusoza urugendo rwe neza yegukana ikamba rya nyampinga w'igihugu.
Miss Rwanda 2014, Akiwacu Colombe muri salle yabereyemo iki gikorwa
Iyi ntara yagaragayemo abakobwa benshi
Bose bari bazinduwe no guhatanira guserukira intara y'uburasirazuba
Uburyo abakobwa bapimwa ibiro n'uburebure bwabo bakomeje kwitabwaho
Umutoni Barbine wabaye Miss High School 2014 nawe yahataniye guhagararira iyi ntara ndetse agirirwa icyizere aza muri batanu ba mbere
Abakobwa 18 nibo babashije kunyura imbere y'akanama nkemurampaka. Muri aba bakobwa hakaba hagaragayemo babiri bari babanje kugeeragereza amahirwe yabo mu Ntara y'Amajyaruguru ariko ntibyabagendekera neza bashyirwa kuri probation, gusa kuri iyi nshuro umwe yagiriwe icyizere.
Nk'ibisanzwe ikipe y'akanama nkemurampaka yari igizwe na John Bunyeshuri, Aline Gahongayire na Mike Karangwa
Abakobwa muri rusange baje imbere y'abandi ari nabo bazahagararira iyi ntara ni Akacu Lynca, Naringwa Mutoni phionah, Umuhoza Nadette, Umutoni Barbine na Uwimana Ariane.
Aba nibo bakobwa batanu bazaserukira intara y'Uburasirazuba muri Miss Rwanda 2015
Bafashe ifoto y'urwibutso na Miss Colombe Akiwacu
Nizeyimana Selemani
Photo/Jean Chris KITOKO
Eng
RSS 
TANGA IGITECYEREZO