Miss Umutesi Diane,wabaye Nyampinga wa Kaminuza ya KIM mu mwaka wa 2012, hamwe n’umuryango we n’inshuti ze bari ibyishimo bidasanzwe nyuma yo gusoza amasomo y’icyiciro cya kabiri cya Kaminuza mu bijyanye n’Imari n’Amabanki. Yashimye Imana yamushobozi muri urwo rugendo aniyemeza kuyinambaho.
Miss Umutesi Diane niwe wambaye ikamba rya Nyampinga w'Ishuri Rikuru rya Kigali ry'Icungamutungo (Kigali Institute of Management) mu mwaka wa 2012. Mu irushanwa Miss Rwanda 2014, Umutesi Diane yaje kuba Nyampinga w’Intara y’Uburengerezuba.
Miss Mutesi Diane ni umwana wa Rev Pastor Seruhungo Alphonse wungirije Intumwa Yoshuwa Masasu ku buyobozi bw’Itorero rya Evangelical Restoration church. Umutesi ni umwe mu bagize itsinda Shinning Stars n’itorero rya Kinyarwanda Shekinah Danc bikorera muri Restoration church.
Miss Umutesi Diane hamwe na Se Rev Pastor Seruhuko Alphonse
Ku mugoroba w’uyu kane tariki ya 31 Werurwe 2016 nibwo Miss Umutesi Diane yakoze ibirori byo kwishimira intambwe ateye mu myigire ye, ibyo birori bye bikaba byitabiriwe n’abantu bagera ku 100 barimo inshuti ze, umuryango we ndetse hari n’ababyeyi be mu buryo bw’Umwuka barangajwe imbere na Apotre Yoshuwa Masasu wamusabye kuguma mu Mana no kuyiyegurira agaharanira gukora ibishimwa nayo mu buzima bwe bwose.
Mu Kiganiro na Inyarwanda.com Miss Umutesi Diane yadutangarije ko yishimiye cyane impanuro yahawe n’Intumwa Masasu kuko yamusabye gukomeza kwegera Imana abishyizeho umwete. Yamusabye kandi ko imbaraga yashyize mu kwiga yazishyira no mu murimo w’Imana agatanga umubiri we n’imbaraga ze. Ati:
Nsoreje muri Business Management ishami rya Finance and Banking. Byari umugisha kwakira Apotre Masasu Yoshua na madame we n’abandi bapasiteri batandukanye bo muri Restoration church Masoro, narishimye cyane kandi imvura yaguye nyinshi cyane kandi bavuga ko imvura ari umugisha so ibirori byanjye byari birimo umugisha. Haje abantu barenga ijana so byari ibyishimo cyane.
Ubutumwa yampaye (Apotre Masasu) ni ugukomeza kwegera Imana mbishyizeho umwete no kwiyegurira Imana wese. Ansaba ko imbaraga nashyize mu myigire yanjye mbyuka kare kugira ngo nige nzabikore no mu murimo w’Imana ntanga umubiri wanjye n’imbaraga zanjye, ansaba no gukomeza kugira ubusabane n’Imana umunsi ku wundi. Miss Umutesi Diane
Miss Umutesi Diane hamwe na Apotre Masasu
Miss Umutesi Diane yakomeje avuga ko kuba asoje icyiciro cya kabiri cya Kaminuza byamushimishije akabyakira neza kuko ariyo ntambwe ya mbere abashije gusohoza mu bijyanye n’imyigire ye. Yavuze ko Imana nimushoboza azakomeza amashuri ye akiga n’icyiciro cya gatatu cya kaminuza (Masters).
Afite gahunda yo gukomeza amasomo ya Kaminuza mu byiciro bikurikiraho
Abajijwe niba afite umuhungu bakundana na cyane ko muri ibyo birori bye yagaragaye akata umutsima wa kizungu ari kumwe n’ababyeyi be mu gihe iyo ufite umukunzi umwerekana akagufasha kuwukata, Miss Umutesi Diane yavuze ko umukunzi amufite ariko ko igihe cyo kumutangaza kitari cyagera.
Yakase umutsima wa kizungu ari kumwe n'ababyeyi be
Miss Umutesi Diane avuga ko afite umukunzi ariko ko igihe cyo kumwerekana kitari cyagera
Asanzwe abyina mu itsinda Shinning Stars
Shinning Stars yakanyujijeho benshi barizihirwa
Pastor Seruhungo Alphonse Se wa Miss Umumutesi Diane, ari kumwe na Apotre Masasu
Miss Umutesi Diane hamwe n'ababyeyi be mu gutanga impano
Rev Lydia Masasu umugore wa Apotre Masasu, yahaye Miss Umutesi impano
Amafoto- Niyonzima Moses
Eng
RSS 
TANGA IGITECYEREZO