KAYONZA: Abanyamahirwe muri Promosiyo ya 'Babongere' ya Primus bashyikirijwe ibihembo banataramirwa na Urban boys

Babongere ni poromosiyo yatangijwe mu minsi ishize aho abakunzi ba Primus bahawe amahirwe yo gutombora ibintu bitandukanye birimo matora, radiyo, amagare ndetse n'ibihembo nyamukuru by'inzu n'imodoka. Ibi bakaba babigeraho nyuma yo gupfundura Primus baguze maze bakareba mu mufuniko niba haba hashushanyijeho ikintu runaka, maze cyaba kiriho ukabika neza umufuniko ukazajya ku muranguzi wa Primus bakaguha icyo watomboye.

Tugarutse kuri iki gitaramo cyabereye mu karere ka Kayonza, abanyamahirwe bamwe batuye muri aka karere bagiye bashyikirizwa ibihembo byabo, ndetse hari n'abandi babitsindiye ako kanya kuko Primus yari yahageze. Iki gitaramo cyatangiye mu masaha ya saa saba n’igice aho umushyushyarugamba uzwi ku izina rya MC Buryohe yatangiye aryoshya ibirori afatanyije n’abafana abinyujije mu buryo bw’amarushanwa, nyuma hakurikiraho guhemba abatomboreye. Nyuma yaje kwakirwa itsinda rya Urban Boys ritarabira abantu bari aho barizihirwa.  Urban boys yageze ku rubyiniriro isusurutsa abanyakayonza karahava.

Uko byari byifashe mu mafoto:

Ukinjira mu mujyi wa Kayonza

Mc Buryohe ni we wayoboye iki gitaramo

Bataramaga bica n'icyaka

Mc Buryohe aganira n'abanyamahirwe ababaza uko bakiriye gutsinda kwabo

Yashyikirijwe Radio yatomboye muri Promosiyo ya Babongere

Yatahanye Matora nyuma yo gusekerwa n'amahirwe muri Babongere

Iyi upfunduye Primus ureba mu gafuniko niba wasekewe n'amahirwe

Mc Buryohe yanyuzagamo akaririmbira abari aho

Safi, Nizzo na Humble Jizzo bagize Urban Boys bageze kuri stage abafana barushaho kwishima

Uyu mufana ibyishimo byamurenze akuramo umwenda wo hejuru

Abanya-Kayonza bishimiye gutaramirwa na Urban Boys