Kuri uyu wa Kane tariki 30 Mata 2020 Ibiro bya Minisitiri w'Intebe byatangaje ko Prof Nshuti Manasseh yagizwe Umunyamabanga wa Leta muri Minisiteri y'Ububanyi n'Amahanga n'Ubutwererane ushinzwe Umuryango w'Ibihugu bya Afrika y'Iburasirazuba, akaba ari we wasimbuye Amb Olivier Nduhungirehe uherutse gukurwa kuri uyu mwanya kuwa 09 Mata 2020.
Minisitiri w'Intebe Dr Edouard Ngirente yatanze iri tangazo mu izina rya Perezida wa Repubuklika, Paul Kagame. Iri tangazo rivuga ko "Ashingiye ku buteganywa n'itegeko Nshinga rya Repubulika y'u Rwanda ryo mu 2003 ryavuguruwe mu 2015 cyane cyane mu ngingo yaryo ya 116; None kuwa 30 Mata 2020, Nyakubahwa Perezida wa Repubulika yagize Prof. Nshuti Manasseh Umunyamabanga wa Leta muri Minisiteri y'Ububanyi n'Amahanga n'Ubutwererane ushinzwe Umuryango w'Ibihugu bya Afrika y'Iburasirazuba".
Prof Nshuti Manasseh ni we wasimbiye Amb Olivier Nduhungirehe
Prof Nshuti Manasseh ni inzobere mu bijyanye n'ubukungu akaba n'umusesenguzi ukomeye mu bijyanye na Politiki Mpuzamahanga. Ni we washinze Kaminuza ya Kigali (University of Kigali) imwe mu zikomeye mu Rwanda. Afite impamyabumenyi y'Ikirenga (PhD) muri 'Finance' yakuye muri Aberdeen University mu Bwongereza. Si ubwa mbere agiye muri Guverinoma kuko yigeze kuba Minisitiri y'Ubucuruzi n'Inganda, Minisitiri w'Imari na Minisitiri w'Abakozi ba Leta n'Umurimo.
Itangazo ryaturutse mu Biro bya Minisitiri w'Intebe
Eng
RSS 
TANGA IGITECYEREZO