Impuzamashyirahamwe y'umupira w'amaguru i Burayi ‘UEFA’ iri kwiga ku ngamba zizatuma umukino wa nyuma wa Champions League 2019-2020 uzaba ku ya 29 Kanama 2020.
UEFA
izakora inama tariki ya 23 y'uku kwezi kwa Kane mu kongera kungurana
ibitekerezo ku buryo bwo kurangiza amarushanwa itegura yabangamiwe na
coronavirus, yahagaritswe ageze hagati harimo Champions League na Europa
League.
Byashoboka ko icyemezo kimwe kizafatwa kizaba kwemeranya ko shampiyona zishobora kurangira kare, ariko gusa UEFA ibanje kubitangira uruhushya.
Ariko igitekerezo kiriho kiracyari icyo kurangiza uyu mwaka w'imikino muri rusange mu mpera y'ukwezi kwa munani, imikino yose itarakinwa ikaba yamaze gukinwa.
Ibyo
byaba bivuze ko umukino wa nyuma wa Champions League wabera mu mujyi wa
Istanbul muri Turukiya ku itariki ya 29 y'ukwa munani.
Naho
umukino wa nyuma wa Europa League wo ukaba wabaye iminsi itatu mbere yaho, mu
mujyi wa Gdansk muri Pologne (Poland).
Hari
ibintu bibiri bishoboka biri kwigwaho kugira ngo iyo gahunda ibe yakunda.
Icya
mbere, ni ugukina imikino ya kimwe cya kane na kimwe cya kabiri mu buryo
busanzwe bw'umukino ubanza n'uwo kwishyura, bikaba mu kwa karindwi no mu kwa
munani.
Icya
kabiri, cyaba ko iyo mikino ikinwa mu buryo bw'umukino umwe utagira uwo
kwishyura, nyuma y'irangira rya shampiyona z'ibihugu.
Bikaba
byatuma impera ya Champions League ihinwa igakinwa mu buryo bw'irushanwa rito
ryamara icyumweru kimwe.
Imikino
ine mu munani ya kimwe cya kane cya Champions League yamaze kumenyekana.
Mu
mikino itarasobanuka, harimo ukomeye uzahuza Manchester City na Real Madrid.
Muri
Europa League, gahunda y'imikino ho iragoye kurushaho kubera ko imikino yose
umunani yo kwishyura muri kimwe cy'umunani itarakinwa.
Muri
iyo kandi harimo n'imikino ibiri, y'amakipe yo muri Espagne no mu Butaliyani,
atarakina n'imikino ibanza.
Liverpool ni yo yegukanye igikombe cy'umwaka ushize
TANGA IGITECYEREZO