BePawa
Kigali

Menya udushya n’ubudasa bya telefone “Galaxy S20, S20+ na S20 Ultra” zigiye gusohorwa na Samsung muri iyi Werurwe

Yanditswe na: Eric Misigaro
Taliki:3/03/2020 14:14
0


Telefone imaze kuba igikoresho cy'ibanze kigaragaza ubusirimu, ubukungu n’itandukaniro muri rubanda. Iyo uvuze telefone nziza humvikana iPhone cyangwa Samsung. Samsung yavuye kuri S10 ihita ijya kuri S20 nazo zaje ziri mu bwoko 3 ari bwo: S20, S20+ na S20 ultra. Menya ubushongore izi telefone zizanye ku isoko kuwa 8 Werurwe 2020.



Mu ntangiriro za Gashyantare 2020 ni bwo Samsung yararitse abakiriya bayo ko igiye gusohora telefone z'agatangaza, aho yari igeze kuri Samsung Galaxy S10 plus none ikaba yahise isimbuka ikajya kuri Samsung Galaxy S20, S20 plus na S20 ultra zigiye kujya ku isoko kuwa 8 Werurwe 2020. Ese ni iyihe mpamvu yatumye Samsung iva kuri S10 igahita ijya kuri S20? Nonese izi telefone ni ubuhe budasa zifite? Isi yitege iki mu ikoranabuhanga ry'izi telefone nshya zigiye kujya ku isoko? 

Iki kigo gifite inkomoko muri Koreya y'Epho aho gikorera mu mujyi wacyo kihangiye ari wo ”Digital City” gihora kirajwe ishinga no gukomeza kwigarurira imitima y'abakunzi b'ibicuruzwa byacyo. Kuri iyi nshuro kirajwe ishinga n’abakeba bari kukirya isataburenge ari bo: Huwai, Apple (iPhone) na Google (Google Pixel). 

Izi telefone uko ari 3 zizagura amafaranga macye dore ko S20 izatangirira ku mafaranga ibihumbi bisaga 945,000rwf kugeza nibura kuri miliyoni 1.5rwf. Izi telefone nshya ikintu zihuriyeho ni uko zifite Camera ifite 100x zoom, iyi camera ni yo izifasha gufata amafoto afite itandukandiro n'ay'izindi zisanzwe ku isoko. Tugiye kukugezaho uburyo izi telefone nshya zigiye zitandukanye: S20, S20+ na S20 ultra.

I. Ibintu by'ingenzi wamenya kuri Samsung Galaxy S20


1.      Camera: 

Iy'imbere: 10 megapixel (10MP)

Iy'inyuma: 3

12MP Ultra Wide Camera

12MP Wide-angle Camera

64MP Telephoto Camera

2.      Ububiko: 12GB RAM, ububiko bw’imbere 128GB

3.      Ubushobozi mu kwihuta mu mikorere (Processor): 2.84GHZ

4.      Ingano:

               Ubuso: 151.7 x 69.1 x 7.9mm

               Uburemere: 163g

5.      Igiciro: Ni uguhera kuri $1,000 kuzamura bitewe n'ububiko wahisemo

6.      Ubwoko bwa murandasi ifata:  5G na LTE  

II. Ibintu by'ingenzi wamenya kuri Samsung Galaxy S20 plus (S20+)   

                                 

1.      Camera: 

Iy'imbere: 10 megapixel(10MP)

Iy'inyuma: camera 4

                    12MP Ultra Wide Camera

                    12MP Wide-angle Camera

                    64MP Telephoto Camera

                    Depth vision camera

 

2.      Ububiko: Ifite ubwoko butatu (3)

12GB RAM ikaba ifite ububiko bw'imbere 512GB

12GB RAM ikaba ifite ububiko bw'imbere 256GB

12GB RAM ikaba ifite ububiko bw'imbere 128GB 

3.      Ubushobozi mu kwihuta mu mikorere (Processor): 2.84GHZ

Ingano:

               Ubuso: 161.9 x 73.7 x 7.8mm

               uburemere: 186g

4.      Igiciro: Ni uguhera kuri $1,200 kuzamura bitewe n'ububiko wahisemo

5.      Ubwoko bwa murandasi ifata: 5G na LTE  

III. Ibintu by'ingenzi wamenya kuri Samsung Galaxy S20 Ultra 


1.      Camera: 

Iy'imbere: 40 megapixel(10MP)

Iy'inyuma: Camera 4

 12MP Ultra Wide Camera

108MP Wide-angle Camera

48MP Telephoto Camera

DepthVision Camera


2.      Ububiko: S20 ultra ifite ubwoko butatu bugiye butandukana kubera ingano y'ububiko

 16GB RAM, ifite ububiko bw'imbere 512GB

12GB RAM, ifite ububiko bw'imbere 256GB

12GB RAM, ifite ububiko bw'imbere 128GB

 

3.      Ubushobozi mu kwihuta mu mikorere (Processor): 2.84GHZ

4.      Ingano:

               Ubuso: 166.9 x 76.0 x 8.8mm

               uburemere: 220g

5.      Igiciro:  Ni uguhera kuri $1,400 kuzamura bitewe n'ububiko wahisemo

6.      Ubwoko bwa murandasi ifata (internet connectivity): 5G na LTE

Itandukaniro riri hagati ya 5G na LTE: Ni ukuvuga G ihagarariye Generation bisobanuyeko 5G ni murandasi y'icyiciro cya 5 naho ku ruhande rwa LTE (Long Term Evolution) iyi ni yo murandasi y'icyiciro cya 4, aha icyo baba bavuze ni uko niba telefone ishobora gufata 5G na LTE, murandasi y'icyiciro cya 5 ndetse n'icya 4 iba izifata zose naho niba handitseho ko ifata 5G gusa bisobanuyeko itafata murandasi y'icyiciro 4.

Ni iki kiri inyuma yo kuba Samsung yavuye kuri S10 igahita ijya kuri S20? 

Nk'uko tubikesha urubuga rwa Samsung.com batubwira ko ikiri inyuma yo kuva kuri S10 bagahita basimbuka bakajya kuri S20 ari uko bashatse guhita bajyana n'igiye kuko uyu mwaka ari 2020 ari cyo cyabateye guhita bava ku 10 bakajya kuri 20.

Abagenerwabikorwa (abakiriya) bitege iki ku ruhando rw’iterambere rya telefone?

Nk'uko abakuru b'ibigo bikora telefone ku Isi badahwema kubivuga, magingo aya bose intero ni imwe, ni iyo guhorana udushya ndetse n’ubudasa mu mikorere nshya ya za telefone kandi zikaba ari telefone zishobora kugirira umumaro abazitunze binyuze mu koborohereza ubuzima. Ni ukuvuga benshi muri iyi minsi ntabwo ikibazo ari ukwibaza ngo 'ntunze telefone imeze ite' ahubwo ni ukwibaza 'ntunze telefone imfasha iki?'.

SRC: samsung.com, gsmarena.com

 






TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND