Nyuma y’amezi 9 Liverpool yandagaje FC Barcelone, umugore wa Mo Salah n’uwa Jordan Henderson bibarutse - AMAFOTO

Mohamed Salah na kapiteni Jordan Henderson bakinira ikipe ya Liverpool, bari mu byishimo bikomeye byo kuba abafasha babo babyaye abana ariko icyatumye benshi bacika ururondogoro nuko aba bana bavutse nyuma y’amezi 9 ikipe yabo inyagiye FC Barcelona ibitego 4-0 kandi bari batsinzwe 3-0 I Camp Nou.

Umunyamakuru wa Sky Sports Jeff Stelling yagize ati “Ni ibyishimo kuri Jordan Henderson n’umugore we, Rebecca, bibarutse umwana w’umuhungu uyu munsi. Nta kidasanzwe muri ibyo.”

“Bibarutse nyuma y’amezi icyenda n’umunsi umwe nyuma y’uko Liverpool itsinze FC Barcelone ibitego 4-0 mu mukino wabereye Anfield.”

“Umugore wa Mo Salah, Maggie, na we yabyaye uyu munsi, amezi icyenda n’umunsi umwe nyuma yaho.”

Ababikurikiraniye hafi bavuga ko abo bana baturutse mu byishimo by’intsinzi Liverpool yabonye mu mezi icyenda ashize.

Mohamed Salah na Jordan Henderson ni bamwe mu bakinnyi bafatiye runini Liverpool muri uyu mwaka w’imikino.

Mu mikino itatu iheruka, Salah yatsinze ibitego bine, atanga n’umupira wavuyemo igitego. Henderson ukina mu kibuga hagati, na we ari mu bahabwa amahirwe yo kuba umukinnyi w’umwaka mu Bwongereza.

Henderson yari asanzwe afite abakobwa babiri Elexa na Alba ariko yishimiye ko yakiriye uwa 3 mu gihe Salah we yakiriye umwana wa 2 nawe w’umukobwa.

Mohamedi Salah n’umugore we Magi bafitanye abana babiri b’abakobwa, uyu mukobwa wa kabiri wavutse yahawe izina rya Kayan, akaba akurikira mukuru we witwa Makka Mohamed Salah.

Umugore wa Mo Salah yibarutse umukobwa wa kabiri

Mo Salah n'umugore we Magi

Kapiteni wa Liverpool Jordan Henderson nawe yibarutse

Henderson n'umukobwa we

Henderson n'umugore we Rebecca