Jurgen Klopp yahigitse Guardiola ahembwa nk’umutoza mwiza w’ukwezi kwa Mutarama - AMAFOTO

Klopp yahise aca agahigo ko kuba umutoza wa mbere muri shampiyona y’ubwongereza wegukanye igihembo cy’umutoza mwiza w’ukwezi inshuro eshanu mu mwaka umwe w’imikino (Season), nyuma yuko abikoze muri uyu mwaka w’imikino wa 2019-2020.

Kuba Liverpool iri kwitwara neza imbere mu bwongereza ndetse n’imikino mpuzamahanga itandukanye iyi kipe yitabira, nta muntu byatungura umutoza Klopp abihembewe kuko yabigaragaje mu kwezi gushize kwa Mutarama.

Mu mikino 25 Liverpool imaze gukina, imaze gutakaza amanota abiri yonyine, ikaba imaze gutsinda imikino 24 biyihesha kuba yicaye ku mwanya wa mbere kurutonde rw’agateganyo rwa shampiyona  n’amanota 73, Man City iyikurikira ikaba irushwa amanota 22.

Liverpool yatangiye uyu mwaka itsinda Sheffield United, Tottenham, Manchester United, Wolves na West Ham, kugeza magingo aya ntiratsindwa umukino n’umwe muri uyu mwaka w’imikino.

Klopp yaherukaga kwegukana iki gihembo cy’ukwezi kwa Kanama, Nzeri, Ugushyingo ndetse n’uk’Ukuboza 2019.

Klopp yahawe igihembo cy'umutoza mwiza muri Mutarama

Klopp akomeje kwigarurira imitima ya benshi muri Liverpool