Kigali

Cristiano Ronaldo, yaje imbere y'ibindi byamamare ku Isi mu bakurikirwa kuri Instagram

Yanditswe na: SAFARI Garcon
Taliki:30/01/2020 10:09
0

Rutahizamu rurangiranwa ukomoka mu gihugu cya Portugal, ukinira ikipe ya Juventus de Turin yo mu Butaliyani, yaciye agahigo ko kuba umuntu wa mbere ukurikirwa n’abantu benshi ku rubuga nkoranya mbaga rwa Instagram, nyuma yuko yujuje Miliyoni maganabiri (200,000,000) z’abamukurikira.



Cristiano yinjiye mu bitabo bya Instagram byabakoze amateka yo gukurikirwa n’imbaga nyamwinshi nyuma yo kuzuza miliyoni 200 z’abantu bamukurikira.

Cristiano wavuye muri Real Madrid yo muri Espagne nyuma yo kubakiramo amateka akomeye cyane, akerekeza mu Butaliyani mu ikipe ya Juventus mu 2018, ubu ararusha umuhanzi w’Umunyamerika akaba n’umukinnyi wa filimi, Ariana Grande, miliyoni 27 z’abantu bamukurikira kuri Instagram.

Cristiano Ronaldo yaherukaga kuba umuntu wa mbere ukurikirwa n’abantu benshi kuri Instagram mu Ukwakira 2018 nyuma yo kuwukuraho Selena Gomez, kuri ubu ufite miliyoni 167 z’abamukurikira.

Cristiano Ronaldo w’imyaka 34 yamavuko, yagiye muri Juventus aguzwe miliyoni £88 avuye muri Real Madrid yari amazemo imyaka icyenda, muri uyu mwaka w’imikino amaze gutsindira Juventus ibitego 10.

Ibyamamare 10 bikurikirwa na benshi kuri Instagram:

1. Cristiano Ronaldo – miliyoni 200

2. Ariana Grande – miliyoni 173

3. Dwayne Johnson – miliyoni 170

4. Selena Gomez – miliyoni 167

5. Kylie Jenner – miliyoni 159

6. Kim Kardashian – miliyoni 158

7. Lionel Messi – miliyoni 141

8. Beyonce – miliyoni 139

9. Neymar – miliyoni 132

10. Justin Bieber – miliyoni 126


Cristiano Ronaldo ni umwe mu bakinnyi bafatiye runini Juventus


Cristiano ni kapiteni w'ikipe y'igihugu ya Portugal





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND