Ahabanza Urukundo

Amwe mu mafoto yaranze ubukwe bwa Museveni Robert umutoza wa Heroes FC na Lt.Liliane

Yanditswe na: Mihigo Saddam
Taliki:5/08/2019 19:15 1

Museveni Robert uzwi mu kazi ko gutoza ikipe ya Heroes FC ndetse na Lt.Liliane Mpinganzima bakoze ubukwe mu mpera z'iki Cyumweru banasezerana kuzabana akaramata. Byari mu birori byabaye kuri uyu wa Gatandatu mu mujyi wa Kigali.

Museveni Robert ni umutoza mu ikipe ya Heroes FC, ikipe yamaze kuzamuka mu cyiciro cya mbere ivuye mu cyiciro cya kabiri mu mwaka w'imikino ushize 2018-2019. Heroes FC yazamukanye na Gasogi United bazaba banahura muri shampiyona 2019-2020.

Museveni Robert ubwo yari mu murenge asezerana na Lt.Liliane Mpinganzima

Muri ubu bukwe, iyo unyujije amaso mu mafoto atandukanye yaburanze, usanga ko bwari ubukwe bw'umuntu uba muri siporo kuko abakinnyi n'abatoza batandukanye bari babwitabiriye ndetse bamwe muri bo baramwambariye by'akarusho Seninga Innocent yari umukuru w'abari bagaragiye Museveni Robert (Parain).

Seninga Innocent umutoza mukuru wa Etincelles FC akaba inshuti ikomeye na Museveni Robert

Museveni Robert umutoza mukuru wa Heroes FC

Kwizera Janvier umunyezamu wa Etincelles FC yari yambariye Museveni Robert cyo kimwe n'abandi bakinnyi barimo na Niyomugabo Claude myugariro mu ikipe ya APR FC wazamuwe na Museveni Robert muri Heroes.

Kwizera Janvier (Ibumoso) umunyezamu wa Etincelles FC

Nuwamanya Amon umunyamakuru kuri Authentic Radio yari mu bambariye Museveni Robert kimwe n'abakinnyi bakina muri Heroes FC bari baje gushyigikira umutoza wabo wavuye mu cyiciro cy'ingaragu ajya mu cyiciro cy'abubatse.