Kuri uyu wa Kabiri ni bwo hatangira imikino y’umunsi wa 19 wa shampiyona y’icyiciro cya mbere mu Rwanda, umwaka w’imikino 2018-2019. Abakinnyi icyenda (9) b’amakipe atandukanye nibo batemerewe gukina uyu munsi bitewe n’amakarita bagiye babona mu mikino ishize.
Ku isonga harazamo Nkomezi Alex umukinnyi wo hagati ushobora no gukina yugarira muri Mukura Victory Sport. Uyu musore uheruka gufasha iyi kipe kunyagira Bugesera FC ibitego 3-0 anambaye igitambaro cy’abakapiteni, ikarita y’umuhondo yaboneye i Nyamata yatumye yuzuza atatu amukura mu bagomba gukina umunsi wa 19 wa shampiyona.
Ikosa Nkomezi Alex yakoreye i Nyamata ryatumye yuzuza amakarita atatu y'umuhondo
Undi mukinnyi utari bukine uyu munsi wa 19 ni Mugheni Kakule Fabrice ukina hagati muri Rayon Sports. Rayon Sports igomba gusura Gicumbi FC kuri uyu wa Kabiri.
Mugheno Kakule Fabrice (Rayon Sports) ntabwo akina umunsi wa 19
Musanze FC igomba kumanuka mu Karere ka Rusizi idafite Mbonyingabo Regis ubakinira yugarira ndetse na Mugenzi Cedric bita Ramires ukina aca mu mpande.
Dore abakinnyi batemerewe gukina umunsi wa 19:
1. Niyitegeka Idrissa (Bugesera FC)
2. Mbonyingabo Regis (Musanze FC)
3. Mugenzi Cedric (Musanze FC)
4. Nsengayire Shadad (Gicumbi FC)
5. Byiringiro Lague (APR FC)
6. Songa Isaie (Police FC)
7. Nkomezi Alexis (Mukura VS)
8. Cyuzuzo Ally (Kirehe FC)
9. Kakule Mugheni Fabrice (Rayon Sport FC)
Mbonyingabo Regis (Musanze FC) nawe ntazakina na Espoir FC
Dore uko amakipe agomba gucakirana mu munsi wa 19 (15h30’):
Kuwa Kabiri tariki ya 5 Werurwe 2019
-Gicumbi FC vs Rayon Sports FC (Gicumbi stadium)
-Sunrise FC vs Bugesera FC (Nyagatare grounds)
Kuwa Gatatu tariki ya 6 Werurwe 2019
-Espoir FC vs Musanze FC (Rusizi Stadium)
-Mukura VS vs SC Kiyovu (Huye stadium)
-APR FC vs Marines FC (Stade de Kigali)
Kuwa Kane tariki ya 7 Werurwe 2019
-AS Muhanga vs Kirehe FC (Muhanga Stadium)
-Etincelles FC vs AS Kigali (Stade Umuganda)
-Police FC vs Amagaju FC (Stade de Kigali)
Eng
RSS 
TANGA IGITECYEREZO