Abanyeshuri ba kaminuza yo muri Afurika y'epfo bakoze amatafari mashya yifashishwa mu bwubatsi akoze mu nkari z'umuntu mu buryo burengera ibidukikije.
Aba banyeshuri bo kuri Kaminuza ya Cape Town iri mu mujyi wa Cape Town biga iby'ubumenyi bakoze aya matafari bahuza inkari bakusanyije zikuwe mu bwiherero bw'abagabo n'umucanga ndetse na za mikorobe.
Aba banyeshuri baganira na BBC bemeje ko uburyo aya matafari akozemo butuma amatafari yikomeza ubwayo mu buryo bw'umwimerere iyo iyo mvange y'ibiyakoze ishyizwe mu bushyuhe busanzwe bwo mu cyumba. Aba banyeshuri bavuga ko hari ikinyabutabire cyo muri iyo mvange kiyungurura izo nkari hakavamo ikindi kinyabutabire kizwi nka calcium carbonate cy'ingenzi mu gukora itafari, nyuma kikabihuriza hamwe byose.
ubusanzwe amatafari asanzwe yubakishwa arakorwa nyuma agakenera gutwikirwa mu itanura rigurumana, ibizamura umwuka mwinshi wa carbon dioxide uhumanya ikirere.
Aya matafari akorwa mu gihe kiri hagati y'iminsi ine n'itandatu
Aya matafari yamaze kwemerwa n'inzego zifite mu nshingano ubwubatsi ko yujuje ubuziranenge kandi yakubaka inzu ikomeye nk'andi akozwe mu buryo busanzwe.
Src: BBC
TANGA IGITECYEREZO