MU MAFOTO:Abafana ba Rayon Sports babyinnye mbere y'umukino, bataha bimyiza imoso

Ni umukino waberaga kuri Stade Amahoro i Remera utangira ku isaha ya saa cyenda n'igice z'umugoroba. Ikipe ya APR FC niyo yari yakiriye umukino. Ni umukino kandi wahitaga ku buryo bwa Live kuri Inyarwanda.com.

Ku isaha ya saa tanu nibwo abanyamakuru ba Inyarwanda.com bari bageze mu nkengero za Stade Amahoro. Abafana bari batangiye kuza ariko biganjemo abafana ikipe ya Rayon Sports wabonaga bafite icyizere cy'uko bari butahukane amanota 3 ndetse niyo mwaganiraga bakubwiraga ko ibitego bike bari butsinde APR FC ari 3.

Ibi byaje bishimangira amagambo umutoza wa Rayon Sports Masoudi Djuma yari yatangaje mbere 'ko atakongera gutsindwa na APR FC ubugira 2'. 'Morale' y'abafana ba Rayon Sports yatangiye kuyoyoka ubwo Issa Bigirimana yatsindaga igitego  ku munota wa 22’ w’umukino nyuma y’uburangare bw’abugarira ba Rayon Sports ari nako umukino waje kurangira.

Akurikira ni amafoto yandi Inyarwanda.com yafashe agaragaza uko byari byifashe mbere y'uko umukino utangira, hagati mu mukino ndetse n'uko byari byifashe ku ruhande rw'abafana ubwo umukino wari urangiye.

Ikipe ya APR FC niyo yabanje kugera ku kibuga ahagana mu masaha ya saa munani z'amanywa

Abafana ba APR FC bari babukereye

Imyambaro y'amabara y'umweru n'umukara, ibendera ry'ikipe ye ku mutwe...

Kuko aba yizeye ko ikipe ye ihora itsinda, umufana witwa Malaika ufana Rayon Sports yanabishyize ku myenda azana ku kibuga

Umufana wa Rayon Sports yari yazanye agakwavu gato k'umukara n'umweru ku kibuga

Mbere y'umukino yacuruzaga ingofero za Rayon Sports n'amafoto yayo...Ati ' Fotora neza dore ikipe ndayikubita 3, nitahire'....

Abafana ba APR FC ntibakangwaga n'umurindi w'aba Rayo Sports byagaragaraga ko ari benshi....nabo baje bambaye ibigaragaza ikipe bafana

Bamwe mu bafana barica akanyota aho baba bitegeye amarembo manini ya Stade Amahoro mbere gato y'uko umukino utangira

Nubwo haba hari urusaku rwinshi, uyu we ntibyamubujije kuba asinziriye

Abafana bo ku mpande zombi bari bakoze ku bibafasha kuba batandukanye n'abandi igihe bari kuba bafana 

'Reka nywe kamwe ubundi nze njye gutiza umurindi Gikundiro, twisasire Igikona'

Mu myambaro y'ubururu n'umweru, ari kwatanya ngo adasanga umukino watangiye

NkundaMatch w'i Kilinda ati 'Nushaka ubyandike kuri inyarwanda.com, igikona ndagipfura...ibike ni 3'

Rwarutabura we yaje yikoreye inanasi

'Ndagipfura'

Na we yabanje kwica icyaka...Mutzing ni uku yayigotomeraga

Uko amasaha yicumaga, kubona itike byakomezaga kugorana

Baracungana n'amasaha ngo badasanga 'Gitinyiro' yabo yatangiye gukina

Abafana ba APR FC baturutse i Rubavu baje biyemeje gufana...kubona utisize irangi byari nka tombola imwe yahoze yitwa LKV

Nyuma yo kuba ayifanira 'Online', kuri iyi nshuro yari yaje no kuri 'field' ngo ayirebe imbonankubone

Yahisemo kuza hejuru y'imodoka aje gufana APR FC

Yanze ko umwana we azabarirwa uko aya makipe ahangana

Abafana ku mpande zombi baba bahigiye kudacikwa n'uyu mukino

Umupira uba uratangiye

Mu kibuga ntibiba byoroshye

Hari n'ubwo biba ngombwa ko baguruka nka gutya

Buri mukinnyi wa APR FC yari afite uwa Rayon Sports acungiye hafi...Moussa Camara we yari yaragijwe Rugwiro Herve(numero 4) bajya kunganya ibigango

Aramucenze, ahita amucishaho umupira....

Undi na we arwana no kumukurura umupira

Nyuma y'igitego cya Issa Bigirimana , byari ibyishimo ku bafana ba APR FC

...ku rundi ruhande, kuri Gacinya Denis , Perezida wa Rayon Sports ibyishimo byari bike...

Iyo bibaye ngombwa, barazamuka bagahanganira umupira bari mu kirere

Savio yari yafashwe na Manishimwe Emmanuel bahoze bakinana muri Rayon Sports

...yamucungiraga hafi cyane

Djabel aritegura kurekura ishoti riremereye 

Mvuyekure, nyezamu wa APR FC byageraga naho aguruka ariko ngo igitego ntibakibishyure

Shasir ahanganye na Manishimwe Emmanuel

Nyuma yo kubona ko ashobora kumucaho akaba yajya guteza ibibazo mu izamu abereye myugariro, yamukubise rugondihene, byanze amukurura n'akaboko

Abakinnyi banganya ibigango iyo bahanganye rubura gica...Camara aragerageza gucisha umupira kuri Rugwiro

Sibomana Patrick bakunda kwita Pappy aracungira hafi Savio

Ambasadeli Joseph Habineza na CP Butera Emmanuel ushinzwe kubungabunga umutekano no guhuza  ibikorwa bya Polisi bari kuri Stade Amahoro

Lt General Ceaser Kayizari

Minisitiri w'Ingabo , Jenerali James Kabarebe ni umwe mu banyacyubahiro bitabiriye uyu mukino

Dr Diane Gashumba,Minisitiri w'Ubuzima akurikiye umukino

Perezida wa Sena Bernard Makuza(uri hagati) ukunda gukurikirana imikino inyuranye na we yari yaje kureba uko abakeba Rayon Sports na APR FC bahanganira mu kibuga

Umunyamabanga wa Leta muri Minisiteri y'Ubutabera, Evode Uwizeyimana na we yari yaje kwihera ijisho uyu mukino w'ishiraniro

Nyuma yo kubona ko umukino uri burangire batahanye amanota 3, inseko zari zose ku bafana ba APR FC

Bidatinze umukino uba urarangiye....Abakinnyi ba APR FC barashimira abafana baje kubashyigikira

Alloo! Ntabwo ngo wamenye uko umukino wagenze? Kandi kuri radio, televiziyo no ku Inyarwanda.com wacagaho LIVE?..Tubatsinze kimwe kibabaza cya Issa Bigirimana

Umenya ari umufana wa Rayon Sports ... umukino urangiye, agahinda kari kose, amarira amuzenga mu maso

....bamwe baba barira abandi baseka

Yannick wacu , Yannick wacu...baherekeje imodoka yari ije gucyura Mukunzi Yannick yari itwawe na Mugenzi we Eric Rutanga

Rutanga ukinira APR FC yari yazanye n'umukunzi we Chemsa 

Agahinda kagaragaraga mu maso y'abafana ba Rayon Sports

Abafana ba APR FC nibo bari bafite ijambo

Bye bye , dusubiye i Rubavu kubashyira amakuru meza y'intsinzi

Imbere ya Rujugiro umufana wa APR FC, Rwarutabura ufana Rayon Sports yari yabuze ijambo ryamufasha kwihagararaho

PHOTOS:RENZAHO CHRISTOPHE