‘Twanga aba-Rayon’, ‘Ubyemere cyangwa ubihakane , Rayon Sports ufite umwaku’, ‘Selfie’ ya Koffi Olomide bakunda kwita ‘Ekotite’, nizo ndirimbo abafana ba Etincelles FC babyinaga bishimira ko ikipe yabo ibashije gukura inota rimwe kuri Rayon Sports.
Ni mu mukino wabaye kuri iki cyumweru tariki 15 Mutarama 2017, ubera kuri Stade Regional ya Kigali i Nyamirambo. Rayon Sports niyo yari yakiriye Etincelles muri uyu mukino wo ku munsi wa 13 wa Shampiyona. Iyo Rayon Sports iramuka itsinze uyu mukino yari gukomeza kurusha APR FC amanota 5 mbere y’uko bihurira mu mukino uba ukomeye uteganyijwe ku itariki 21 Mutarama 2017 kuri Stade Amahoro, saa cyenda z’amanywa.
Rayon Sports ntako itagize ngo ibone igitego cyayihesha amanota 3 ariko Etincelles iyibera ibamba. Etincelles yari yaje iherekejwe n’abafana benshi bayitizaga umurindi kuva umukino utangiye kugeza urangiye amakipe yombi anganya 0-0, bituma hagati ya Rayon Sports ya mbere na APR FC ya 2 hasigaramo ikinyuranyo cy’amanota 3.
MU MAFOTO, KURIKIRA UKO UYU MUKINO WARI WIFASHE MU KIBUGA NO MU GICE CY’ABAFANA B’AMAKIPE YOMBI
Ubwinshi bw'abafana ba Rayon Sports bagaragaraga ku murongo bambaye ubururu n'umweru, warahahingukaga ukagira ngo ni nk'abanyeshuri bambaye impuzankano
Mu bafana ba Etincelles harimo n'abari baje bisize irangi
Icyizere cyo gutsinda Etincelles cyagaragariraga no mu buryo bifotozaga
Ubwugarizi bwa Etincelles bwari buhagaze neza
Umupira watangiye Etincelles ihererekanya umupira neza, bakanyuzamo bakanahusha ibitego
Iyo Etincelles yahushaga igitego cyabazwe, ni uku umutoza wayo Ruremesha yabaga yifashe
Rayon Sports na yo yanyuzagamo igasatira izamu
Kuko inkweto zabanje kumunyereza, byabaye ngombwa ko Nahimana Shasir azihindura
Yahise asubira mu kibuga n'imbaraga nyinshi
...Ariko abakinnyi ba Etincelles bakomeza kumubera ibamba
Shasir ntako atagiraga agakoresha amacenga atandukanye ariko bikanga
Abafana ba Etincelles bari baje kuyishyigikira bavuye i Rubavu
Aba Rayon Sports nabo bari babucyereye
Pierrot wa Rayon Sports na we yisangaga iteka ari hagati y'abakinnyi 2 ba Etincelles
Rugondihene nk'izi ntizibura mu kibuga
Nyezamu wa Rayon Sports, Ndayishimiye Eric bakunda kwita Bakame(wambaye ingofero y'umukara) wari waruhukijwe , na we yari yaje kureba uyu mukino
Etincelles yari yaje yiteguye.Mbonyigabo Regis ,umuvandimwe wa Mugiraneza Jean Baptiste niwe ufite umupira
Hagati mu kibuga byari ishiraniro
Buri mukinnyi wa Rayon Sports yari afite uwa Etincelles umucungiye hafi
Uko umukino wasatiraga umusozo, niko abafana ba Etincelles babyiniraga ku rukoma
...ku rundi ruhande aba Rayon Sports icyizere cyo gutahana amanota 3 cyarayoyokaga...
...bibazaga ibiri kuba..
Vuvuzela zari zabonye akazi
...Nyuma yo kubona ko ibintu bitoroshye, Vuvuze z'abafana ba Rayon zo babaye bazihaye akaruhuko...
Aha ifoto irivugira
Rwarutabura na we yari yumiwe
Abatangiye bafana, bageze aho bacika intege, bariyicarira
Unganyirije ku kibuga cye yari yizeye ko ikipe ye itsinda ni uku aba ameze,.... agwa neza akiyicarira
'Turabona amanota twayabuze, ...ntitubure byose, dufotore dutahane ibyo'
Umwera uturutse ahadatwikiriye, ugera no mu myanya y'icyubahiro...aba nabo urabona ko bumiwe
Masudi Djuma na we ntiyabyumvaga
Kambale Salita Gentil wahoze akinira Rayon Sports yari yagoye ab'inyuma bayo
Umukino urangiye, abakinnyi ba Etincelles barishimira umusaruro bakuye i Nyamirambo
Nubwo baba bahanganye mu kibuga, iyo umukino urangiye barasuhuzanya
Barashimira Imana nyuma y'umukino
Nyuma y'umukino, Masudi arasuhuza abasifuzi b'uyu mukino
'Coach, ntako tutagize ariko byanze'
Nubwo batabashije kubona amanota 3, abakinnyi ba Rayon Sports bashimiye abafana baje kubatiza umurindi
Abafana ba Etincelles bahise batangira kubyina
Byari ibirori
Uyu arabwira abo basize i Rubavu ko babashije gukura inota rimwe kuri Rayon Sports
Nyuma yo kubona ko umudiho wa bagenzi be uryoheye ijisho, arabafata amashusho ngo aze kuyareba yitonze ageze mu rugo
Babyina 'Ekotite' ya Koffi Olomdide
Barabyinnye bibasaba kwikohora
PHOTOS:RENZAHO CHRISTOPHE
Eng
RSS 
TANGA IGITECYEREZO